უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
არქივი
პოლიტიკა
ლევან დავითაშვილი რომში IFAD-ის მმართველი საბჭოს შეხვედრაში მონაწილეობდა
გარემოს დაცვისა და სოფლის მეურნეობის მინისტრმა, ლევან დავითაშვილმა, იტალიის რესპუბლიკის დედაქალაქ რომში, სოფლის განვითარების საერთაშორისო ფონდის (IFAD) მმართველი საბჭოს 42-ე სესიაში მიიღო მონაწილეობა.
სესია, რომელსაც 190 ქვეყნის ოფიციალური დელეგაციის წარმომადგენლები ესწრებოდნენ, იტალიის პრემიერ-მინისტრმა, ჯუზეპე კონტიმ, სოფლის განვითარების საერთაშორისო ფონდის პრეზიდენტმა, ჯილბერტ ჰუნგბომ და რომის პაპმა, ფრანსისმა გახსნეს. წლევანდელი შეხვედრის მთავარ თემას სიღარიბის დაძლევა, შიმშილის წინააღმდეგ ბრძოლა და სასურსათო სუვერენიტეტის მხარდაჭერა წარმოადგენდა. რომის პაპმა საკუთარ გამოსვლაში ყურადღება უსაფრთხო და უვნებელ სურსათზე ადამიანის თანაბარ ხელმისაწვდომობაზე გაამახვილა.
იტალიის პრემიერ-მინისტრმა აღნიშნა, რომ სოფლის განვითარების საერთაშორისო ფონდის მიერ განსაზღვრული მიზნები უნდა იყოს თანაბარი ყველასთვის და ემსახურებოდეს ახალგაზრდების და ქალების მეტად ჩართულობას სოფლის განვითარების და ეკონომიკური კეთილდღეობის გაუმჯობესების მიმართულებით.
საქართველოს გარემოს დაცვისა და სოფლის მეურნეობის მინისტრის, ლევან დავითაშვილის განცხადებით, ყველა ქვეყანას აქვს გაეროს მიერ გაწერილი დღის წესრიგი მდგრადი განვითარების მიზნების განსახორციელებლად და საქართველოს მთავრობა მხარს უჭერს ყველა იმ ინიციატივას, რაც მიმართულია ახალგაზრდა ფერმერების, მოწყვლადი ჯგუფებისთვის ფინანსებზე ხელმისაწვდომობის და სოფლის განვითარების ინიციატივების განსახორციელებლად.
ინფორმაციას საქართველოს გარემოს დაცვისა და სოფლის მეურნეობის სამინისტრო ავრცელებს.