უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
- 26.04.2024 12:59საქართველოს მოსახლეობის რაოდენობა შემცირდა - საქსტატი
- 26.04.2024 12:54The Digital Banker-მა საქართველოს ბანკი საუკეთესო ციფრული სამომხმარებლო გამოცდილების მქონე ბანკად დაასახელა საქართველოში
- 26.04.2024 12:40სპეციალურმა საგამოძიებო სამსახურმა იძულების ფაქტზე შინაგან საქმეთა სამინისტროს თანამშრომელი ამხილა
არქივი
პოლიტიკა
ლევან იზორია სამეთაურო-საშტაბო სწავლება „ქარიშხალი 2016“-ის მიმდინარეობას გაეცნო
საქართველოს თავდაცვის მინისტრი ლევან იზორია საქართველოს შეიარაღებული ძალების სახმელეთო ჯარების აღმოსავლეთ სარდლობის პასუხისმგებლობის რაიონში სამეთაურო-საშტაბო სწავლების „ქარიშხალი 2016“ მიმდინარეობას გაეცნო. მინისტრთან ერთად სწავლებაზე საქართველოს შეიარაღებული ძალების გენერალური შტაბის უფროსის პირველი მაოდგილე, ბრიგადის გენერალი ვლადიმერ ჩაჩიბაია იმყოფებოდა. მათ სწავლების ხელმძღვანელისგან, პოლკოვნიკ შავლეგო ტაბატაძისგან წვრთნების შესახებ დეტალური ინფორმაცია მიიღეს, ძირითადი მართვის პუნქტი დაათვალიერეს და სწავლებაში მონაწილე სამხედრო მოსამსახურეებს გაესაუბრნენ.
„აღმოსავლეთ სარდლობის ორგანიზებით სამეთაურო-საშტაბო წვრთნები „ქარიშხალი 2016“ ჩატარდა. წვრთნების მიზანი მართვისა და კონტროლის სისტემის ეფექტიანობის, ასევე სარდლობის შტაბსა და ქვედანაყოფების შტაბებს შორის კოორდინაციის ხარისხის გამოვლენა იყო. ნანახით ძალიან კმაყოფილი ვარ და შეიარაღებული ძალები ამ წვრთნებს მომავალშიც გააგრძელებს. ჩვენ ყველა შემთხვევისთვის მზად უნდა ვიყოთ“ - განაცხადა თავდაცვის მინისტრმა ლევან იზორიამ.
სამეთაურო-საშტაბო სწავლება „ქარიშხალი 2016“ სახმელეთო ჯარების აღმოსავლეთ სარდლობის მიერ პირველად ტარდება. სწავლება 10 დღის განმავლობაში გრძელდება და მასში აღმოსავლეთ სარდლობის შტაბი და სარდლობის დაქვემდებარებაში შემავალი ქვედანაყოფების - I და V ქვეითი ბრიგადების, IV მექანიზირებული და I საარტილერიო ბრიგადების და დაქვემდებარებული ბატალიონების შტაბები იღებენ მონაწილეობას. მასში 700-მდე სამხედრო მოსამსახურეა ჩართული.
სამეთაურო-საშტაბო სწავლება ოპერაციების დაგეგმვისა და აღსრულების პროცესში, აღმოსავლეთ სარდლობის შტაბსა და დაქვემდებარებული ქვედანაყოფების შტაბებს შორის კოორდინირებული მოქმედებების დახვეწას, ასევე შესაძლებლობების შეფასებას ისახავს მიზნად. სასწავლო სცენარის მიხედვით სწავლების მთავარი ამოცანა, აღმოსავლეთ სარდლობის შტაბისა და დაქვემდებარებული შენაერთების შტაბების მიერ, საბრძოლო ვითარებასთან მიახლოებულ გარემოში ოპერაციების დაგეგმვას და აღსრულებას წარმოადგენს.
სამხედრო სწავლება „ქარიშხალი 2016“ აღმოსავლეთ სარდლობის შტაბ-ბინაში, ფონიჭალისა და თელეთის მიმდებარე ტერიტორიებზე, ვაზიანში I საარტილერიო და IV მექანიზირებულ ბრიგადებში, გორში V ქვეით ბრიგადასა და ატენის ხეობაში, ასევე მცხეთაში I ქვეით ბრიგადაში ტარდება.