პოლიტიკა

ლევან ვარშალომიძე საარჩევნო ადმინისტრაციას ხმების დათვლის დროს კანონდარღვევაში ადანაშაულებს

აჭარის უმაღლეს საბჭოში ნაციონალური მოძრაობის საარჩევნო სიის პირველმა ნომერმა, ლევან ვარშალომიძემ არჩევნებისას გადაღებული ვიდეომასალა გაასაჯაროვა.

როგორც ვარშალომიძემ დღევანდელ ბრიფინგზე აღნიშნა, კადრებში ხმების დათვლის პროცედურაა ასახული, სადაც კომისიის წევრებს პროცესში კალმები უჭირავთ.

მისი მტკიცებით, საარჩევნო ადმინისტრაციამ კანონი დაარღვია.

„რად უნდათ კალმისტარი, როდესაც კონკრეტული დათვლა უნდა იწარმოებოდეს. როდესაც ამომრჩეველი აფიქსირებს თავის ხმას, ამომრჩეველი აფიქსირებს თავის ნებას, მათი ერთადერთი მოვალეობაა დათვალონ ეს ხმები და არა მანიპულაციები გააკეთონ, ვის რა შეეშალა და რა ჩასწორება გააკეთონ,“ - განაცხადა ვარშალომიძემ.

ნინო ექვთიმიშვილი