სამართალი

ლომთათიძის ქუჩაზე 40 წლის დავით ქმოსტელის მკვლელობა შურისძიების მოტივით მოხდა - შსს

კრიმინალური პოლიციის დეპარტამენტის მთავარი სამმართველოს უფროსის, მამუკა ჭელიძის ინფორმაციით, ლომთათიძის ქუჩაზე, 40 წლის დავით ქმოსტელის მკვლელობა შურისძიების მოტივით მოხდა.

როგორც ჭელიძემ დღეს გამართულ ბრიფინზე მ განაცხადა, დანაშაულს წინ წარსულში არსებული კონფლიქტი უძღოდა. დაკავებულია ერთი პირი.

”ჩადენილი დანაშაული 7-დან 15-წლამდე ვადით თავისუფლების აღკვეთას ითვალისწინებს. გამოძიებამ დაადგინა, რომ დაკავებულმა, მიმდინარე წლის 4 თებერვალს თბილისში, ჭოლა ლომთათიძის ქუჩაზე, წარსულში არსებული კონფლიქტის ნიადაგზე, შურისძიების მოტივით, ნაცნობს - 1980 წელს დაბადებულ დ.ქ.-ს ავტომატური ცეცხლსასროლი იარაღიდან გასროლით სხეულზე მრავლობითი ჭრილობა მიაყენა, რის შედეგადაც იგი შემთხვევის ადგილზე გარდაიცვალა. ბრალდებული შემთხვევის ადგილიდან მიიმალა. სამართალდამცველებმა მომხდარიდან რამდენიმე საათში ბრალდებული - თბილისში დააკავეს”, - განაცხადა ჭელიძემ.

მისივე თქმით, გამოძიება განზრახ მკვლელობის და ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვის ფაქტზე მიმდინარეობს, საქართველოს სსკ-ს 108-ე მუხლით და 236 -ე მუხლით. საქმეზე გრძელდება საგამოძიებო მოქმედებები.