უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
- 26.04.2024 12:59საქართველოს მოსახლეობის რაოდენობა შემცირდა - საქსტატი
- 26.04.2024 12:54The Digital Banker-მა საქართველოს ბანკი საუკეთესო ციფრული სამომხმარებლო გამოცდილების მქონე ბანკად დაასახელა საქართველოში
- 26.04.2024 12:40სპეციალურმა საგამოძიებო სამსახურმა იძულების ფაქტზე შინაგან საქმეთა სამინისტროს თანამშრომელი ამხილა
არქივი
საზოგადოება
ლონდა თოლორაია მონაცემთა დაცვის ევროპული სამართლის სახელმძღვანელოსა და ელექტრონული სწავლების კურსის პრეზენტაციას დაესწრო
ევროპის საბჭომ საქართველოს სახელმწიფო ინსპექტორის სამსახურთან თანამშრომლობით, მონაცემთა დაცვის ევროპული სამართლის სახელმძღვანელო და მონაცემთა დაცვისა და პირადი ცხოვრების ხელშეუხებლობის შესახებ HELP-ის ელექტრონული სწავლების კურსი საზოგადოებას წარუდგინა.
სახელმწიფო ინსპექტორის აპარატის ინფორმაციით, ღონისძიებაზე სტუმრებს სიტყვით მიმართა სახელმწიფო ინსპექტორმა ლონდა თოლორაიამ. მისივე თქმით, აღნიშნული სწავლების კურსის საშუალებით, საქართველოს სახელმწიფო ინსპექტორის სამსახური, კიდევ უფრო დაუახლოვდეს საერთაშორისო სტანდარტებს.
„დღეს იწყება ძალიან მნიშვნელოვანი სასწავლო კურსი. ეს სასწავლო კურსი ჩატარდება, როგორც სახელმწიფო ინსპექტორის სამსახურის თანამშრომლებისათვის, ასევე, ყველა იმ პირისთვის, რომლებიც სხვადასხვა უწყებაში პერსონალური მონაცემების დაცვას აკონტროლებენ. აღნიშნული კურსი ჩვენ მოგვცემს იმის საშუალებას, რომ ჩვენი მუშაობა კიდევ უფრო დაუახლოვდეს საერთაშორისო სტანდარტებს და ჩვენი ყოველდღიური საქმიანობა ევროპული სტანდარტების შესაბამისი იყოს“, - განაცხადა ლონდა თოლორაიამ.
როგორც „ინტერპრესნიუსს“ საქართველოს სახელმწიფო ინსპექტორის სამსახურიდან აცნობეს, მოწვეულ სტუმრებს კურსის მნიშვნელობაზე საქართველოში ევროპის საბჭოს ოფისის ხელმძღვანელი კრისტიან ურსე და საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე სოფიო კილაძე ესაუბრნენ.
მათივე ინფორმაციით, ღონისძიებას ესწრებოდა როგორც კერძო და საჯარო სექტორის, სამოქალაქო საზოგადოების 100-მდე პრაქტიკოსი იურისტი, ასევე, ევროპის საბჭოსა და საფრანგეთის მონაცემთა დაცვის ორგანოს წარმომადგენლები.
„მონაცემთა დაცვის ევროპული სამართლის სახელმძღვანელო და HELP-ის ონლაინ კურსი აღწერს მონაცემთა დაცვის სფეროში ევროპულ სტანდარტებსა და სასამართლო პრაქტიკას. ამ ინსტრუმენტების ქართულ ენაზე თარგმნით და გამოქვეყნებით, რომელშიც სახელმწიფო ინსპექტორის სამსახური აქტიურად იყო ჩართული, ევროპის საბჭო და სახელმწიფო ინსპექტორის სამსახური პერსონალურ მონაცემთა დაცვის საკითხებზე ქართველ პრაქტიკოს იურისტთა ცნობიერების ამაღლებას და ამ მიმართულებით საქმიანობის გაუმჯობესებას ისახავს მიზნად.
პრეზენტაციის შემდეგ გაიმართა დისკუსია მონაცემთა დაცვის სფეროში არსებული საერთაშორისო სამართლებრივი აქტებისა და საქართველოზე მათი გავლენის შესახებ.
ღონისძიება გაიმართა ევროპის საბჭოს პროექტის ,,მონაცემთა დაცვის გაძლიერება საქართველოში” ფარგლებში, საქართველოს სახელმწიფო ინსპექტორის სამსახურთან თანამშრომლობით“, - ნათქვამია ინფორმაციაში.