უახლესი ამბები
- 18.04.2024 19:05ღრმად იმედგაცრუებულები ვართ საქართველოს პარლამენტის გადაწყვეტილებით კრემლის მიერ შთაგონებული კანონპროექტის დაინიცირების გამო - მეთიუ მილერი
- 18.04.2024 18:29“ვაცხადებთ სრულ კოორდინაციასა და მობილიზაციას კანონის მეორე მოსმენით განხილვის დღისთვის” - ექვსი ოპოზიციური პარტია ერთობლივ განცხადებას ავრცელებს
არქივი
რეგიონები
მაღალმთიან აჭარაში დიდთოვლობის გამო 15 სოფელს ელექტროენერგია არ მიეწოდება
ძლიერმა თოვამ აჭარის მაღალმთიანეთში პრობლემები გამოიწვია.
ხულოსა და შუახევში მოსულმა ნალექმა 80 სანტიმეტრს მიაღწია. მუნიციპალიტეტების ცენტრებამდე ავტომანქანების მოძრაობა არ შეწყვეტილა, თუმცა სოფლების მიმართულებით გადაადგილება მხოლოდ მაღალი გამავლობის ავტომანქანებითა და მოცურების საწინააღმდეგო ჯაჭვებით არის შესაძლებელი.
ხულოს გამგებლის, ბესიკ ბაუჩაძის ინფორმაციით, დაზიანებულია ელექტროსადენები, რის გამოც 15 სოფელს დენი შეუწყდა. ადგილზე ამ დრომდე მუშაობენ ,,ენერგოპროჯორჯიას’’ ბრიგადები.
მიმდინარეობს გაწმენდითი სამუშაოები. უშუქობის გამო, რამდენიმე საჯარო სკოლაში სასწავლო პროცესი შეჩერდა.
,,15 სოფელს ისევ არ მიეწოდება ელექტროენერგია. ეს გამოწვეულია ხაზების დაზიანებით. ჯგუფები გასულია. მე მქონდა საუბარი ,,ენერგოპროს’’ წარმომადგენლებთან. ჩართულია ადგილობრივი მოსახლეობაც და ალბათ დღის მეორე ნახევარში აღუდგება ალბათ ძირითად ნაწილს ელექტროენერგისი მიწოდება. ხულოს ცენტრამდე ტრანსპორტი მოდის შეუფერხებლად. მაღალმთიან სოფლებში მიმდინარეობს გაწმენდითი სამუშაოები,’’ - აცხადებს გამგებელი.
ნინო ექვთიმიშვილი