უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
- 26.04.2024 12:59საქართველოს მოსახლეობის რაოდენობა შემცირდა - საქსტატი
- 26.04.2024 12:54The Digital Banker-მა საქართველოს ბანკი საუკეთესო ციფრული სამომხმარებლო გამოცდილების მქონე ბანკად დაასახელა საქართველოში
- 26.04.2024 12:40სპეციალურმა საგამოძიებო სამსახურმა იძულების ფაქტზე შინაგან საქმეთა სამინისტროს თანამშრომელი ამხილა
არქივი
პოლიტიკა
მაია ბითაძემ ეუთოს 25-ე ეკონომიკურ და გარემოსდაცვით ფორუმში მიიღო მონაწილეობა
გარემოსა და ბუნებრივი რესურსების დაცვის მინისტრის მოადგილე მაია ბითაძე, ქ. პრაღაში გამართულ ეუთოს 25-ე ეკონომიკურ და გარემოსდაცვითი ფორუმის გახსნის ცერემონიალსა და მთავარ სესიაზე სიტყვით გამოვიდა. ფორუმის თემას წარმოადგენდა მწვანე ეკონომიკის განვითარება და პარტნიორობა უსაფრთხოებისთვის ეუთოს რეგიონში.
გარემოსა და ბუნებრივი რესურსების დაცვის სამინისტროს ინფორმაციით, მაია ბითაძემ ეუთოს როლის მნიშვნელობაზე ტრანსსასაზღვრო თანამშრომლობისა და გარემოსდაცვითი მმართველობის გაძლიერებაზე ისაუბრა. მიმოიხილა გარემოსდაცვითი რისკების შემცირებისა და გარემოსდაცვითი მმართველობის გაძლიერების საკითხები; ყურადღება გაამახვილა მშვიდობისა და სტაბილურობის შენარჩუნებისთვის მდგრადი განვითარების მნიშვნელობაზე. ასევე, ისაუბრა გარემოსდაცვითი მმართველობის კუთხით საქართველოს მიერ განხორციელებულ ღონისძიებებსა და მიღწეულ შედეგებზე. მიმოიხილა საქართველოს მიერ მდგრადი განვითარების მიმართულებით გადადგმული ნაბიჯები და აღნიშნა, რომ საქართველო ერთ-ერთია იმ 22 ქვეყანას შორის, რომლებმაც გაეროს მაღალი დონის პოლიტიკურ ფორუმზე მდგრადი განვითარების დღის წესრიგის განხორციელების ფარგლებში პირველი ნებაყოფლობითი ეროვნული ანგარიში (National Voluntary Review) წარადგინა 2016 წელს.
მინისტრის მოადგილემ, ასევე, აღნიშნა საქართველოს მიერ გარემოსდაცვითი განათლებისა და ინფორმაციაზე ხელმისაწვდომობის სფეროში მიღწეული პროგრესის შესახებ, ყურადღება გაამახვილა მწვანე ეკონომიკის მნიშვნელობაზე და ხაზი გაუსვა გასულ წელს საქართველოს მთავრობის მასპინძლობით ბათუმში გამართული საერთაშორისო კონფერენციის ”გარემო ევროპისათვის” მინისტერიალის მნიშვნელობაზე მწვანე ეკონომიკის განვითარების კუთხით.
აღსანიშნავია, რომ ფორუმის ფარგლებში, მაია ბითაძემ მხარი დაუჭირა ევროკავშირის განცხადებას „ეკონომიკური მონაწილეობის წახალისებისა და მწვანე ეკონომიკისა და გარემოსდაცვითი თანამშრომლობის ხელშეწყობის შესახებ“.
ამასთან, ეუთოს ეკონომიკური და გარემოსდაცვითი საქმიანობის კოორდინატორის, ელჩის ვუკ ზუგიჩის ინიციატივით ორმხრივი შეხვედრა გაიმართა მინისტრის მოადგილესთან. მხარეებმა ისაუბრეს სამომავლო თანამშრომლობის პერსპექტივებზე. სხვა საკითხებთან ერთად, ყურადღება გაამახვილეს ორჰუსის კონვენციის როლზე გარემოსდაცვითი მმართველობის ხელშეწყობის და მდგრადი განვითარების მიზნების განხორციელებაში. ელჩმა გამოხატა მზადყოფნა ამ მიმართულებით საქართველოსთან მჭიდრო თანამშრომლობის თაობაზე.
ეუთოს ეკონომიკური და გარემოსდაცვითი ფორუმის მიზნებს წარმოადგენს საჭიროებებისა და პრიორიტეტების განსაზღვრა, ცნობიერების გაზრდა და ეუთოს მონაწილე 57 ქვეყნის პოლიტიკური ნების სტიმულირება ეკონომიკური, გარემოსდაცვითი და უსაფრთხოების მიმართულებით არსებული გამოწვევების გადაჭრის პროცესში. ამასთან, ფორუმი ხელს უწყობს საერთაშორისო ორგანიზაციებს, ბიზნეს და აკადემიურ სექტორს და სამოქალაქო საზოგადოებას შორის დიალოგის გამართვას.