რეგიონები

მამათამდე მიღწევა ვერ მოხერხდა, იქ მოხუცი ოჯახები არიან, რომლებსაც ვერავინ უკავშირდება. ისიც კი არ იციან, ცოცხლები თუ არიან - მოხალისე თორნიკე როინიშვილი

სტიქიის ზონაში კრიტიკული ვითარებაა - ზოგიერთ სოფელში არათუ სპეცტექნიკის, არამედ ადამიანის ნაფეხურების კვალიც კი არ ჩანს. სწორედ ასეთ მდგომარეობაშია სოფელი მამათიც, სადაც ადამიანები გადაადგილებას ვერ ახერხებენ.

მამათისკენ მიმავალი გზა გაუკვალავი აღმოჩნდა. პარკინსონით დაავადებული ქალის დასახმარებლად წასული მოხალისე, სავარაუდოდ, პირველი ადამიანი იყო, რომელმაც მამათისკენ მიმავალ გზაზე გაიარა, თუმცა მოსალოდნელი საფრთხის გამო, კვლავ ჯუმათში დაბრუნდა.

"არ მინდა, რომ იქით გადასარჩენი გავხდე, ან საერთოდ მოვკვდე" - ამბობს თორნიკე როინიშვილი, რომელიც შესაბამის სამსახურებს დროული მოქმედებისკენ მოუწოდებს.

მამათისკენ მიმავალ გზაზე არასდროს არავის გამოუვლია. სავარაუდოდ, მე ვიქნები პირველი. საერთოდ არ მეამაყება ეს ფაქტი. საკმაოდ მეშინია. არ ვიცი, ალბათ, სამი მეტრი თოვლი მაინც არის. ეს არის ჯუმათიდან მამათისკენ მიმავალი გზა. რა გაწმენდაზეა საუბარი, ჯერ ჯუმათში რა მდგომარეობა იყო, აქეთკენ ხომ საერთოდ. არაფერი აქ არ არის. იქ მოხუცი ოჯახები არიან, რომლებსაც ვერავინ უკავშირდება. ისიც კი არ იციან, ცოცხლები თუ არიან.

მომიწია, რომ უკან გავბრუნდე, რადგან ძალიან რთულია გადაადგილება. არ მინდა, რომ იქით გადასარჩენი გავხდე, ან საერთოდ მოვკვდე. სამწუხაროდ, მიწევს, რომ დავბრუნდე სოფელ ჯუმათში. მამათამდე მიღწევა ვერ მოხერხდა. სასწრაფოდ არის დასახმარებელი", - განაცხადა მოქალაქემ.

წყარო.