რეგიონები

მამუკა ბახტაძე ჭუბერში გაემგზავრა

საქართველოს პრემიერ-მინისტრი მამუკა ბახტაძე მესტიის მუნიციპალიტეტის სოფელ ჭუბერში გაემგზავრა. ბახტაძე სტიქიის ზონაში მიმდინარე სალიკვიდაციო სამუშაოებს მოინახულებს და ვითარებას ადგილზე გაეცნობა.

სოფელ ჭუბერში მუშაობს საგანგებო შტაბი. სტიქიის ზონაში იმყოფებიან როგორც მხარის რწმუნებული, ისე ადგილობრივი ხელისუფლების წარმომადგენლები.

ამ დროისათვის, სტიქიის ზონაში კვლავ მძიმე ტექნიკა მუშაობს, რათა მდინარე ნენსკრა ძველ კალაპოტს დაუბრუნდეს.