უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
- 26.04.2024 12:59საქართველოს მოსახლეობის რაოდენობა შემცირდა - საქსტატი
- 26.04.2024 12:54The Digital Banker-მა საქართველოს ბანკი საუკეთესო ციფრული სამომხმარებლო გამოცდილების მქონე ბანკად დაასახელა საქართველოში
- 26.04.2024 12:40სპეციალურმა საგამოძიებო სამსახურმა იძულების ფაქტზე შინაგან საქმეთა სამინისტროს თანამშრომელი ამხილა
არქივი
პოლიტიკა
მამუკა ბახტაძე „ომეგა ჯგუფისა“ და „იბერია ტვ“-ის საქმეების დაკავშირებას „სრულ უპასუხისმგებლობას“ უწოდებს
„სამხრეთ ამერიკული სერიალი“ - ამჯერად ასე დაასათურა საქართველოს პრემიერ-მინისტრმა მამუკა ბახტაძემ პროცესი, რომელიც ბიზნესრეკეტის 50%-იანი მოგების მმართველ პარტიაში გადარიცხვას, თანხის გამოძალვასა და უკანონო კორუფციულ გარიგებებში მაღალჩინოსნების, მათ შორის, ბიძინა ივანიშვილის უშუალო მონაწილეობის ბრალდებებს მოიცავს.
მოქმედი პრემიერ-მინისტრი არ ერიდება ცინიზმს, კვლავ ამტკიცებს, რომ „ომეგა“ ურჩი გადამხდელია, ხოლო ხელისუფლება თავისუფალი მედიის დამცველია და ბიზნესის მეგობარი.
„ყოველდღე სამხრეთ ამერიკული სერიალისთვის, ამ შემთხვევაში ძალიან უნიჭო პროცესს ვუყურებთ. ამ შემთხვევაში, ჩემი აზრით, ადამიანი, რომელსაც სურს, დაიცვას თავისი ბიზნესინტერესები, მოიქცეოდა ძალიან მარტივად, ის თავის ხელთ არსებულ ყველა ინფორმაციას შეკრებდა და თავისი ადვოკატის მეშვეობით გააცნობდა როგორც საგამოძიებო ორგანოებს, ისე სამოქალაქო საზოგადოებას, რომ დაეცვა თავისი ინტერესი. სამწუხაროდ, ამ შემთხვევაში, ეს არის ჩემი მოქალაქეობრივი შეფასება, როგორც ჩანს, ჩვენ გვაქვს საქმე პოლიტიკურ ინტრიგასთან და გვაქვს საქმე იმასთან, რომ კონკრეტული ადამიანები ცდილობენ, საგადასახადო დავალიანებას თავი აარიდონ და შემოიტანონ დისკუსიაში ასეთი არასერიოზული განცხადებები და საკითხები. კიდევ ერთხელ ვიმეორებ, მიმდინარეობს გამოძიება, რომლის ფარგლებში ყველას ექნება საშუალება, დაამტკიცოს სიმართლე და რა თქმა უნდა, სამოქალაქო საზოგადოებას უნდა ჰქონდეს სრული წვდომა ამ ინფორმაციაზე, როგორ მიმდინარეობს გამოძიება“,– განაცხადა პრემიერმა.
პრემიერ-მინისტრს კიდევ ერთხელ დაუსვეს კითხვა, რატომ არ ხდება „ოჯთ“-ის ვალის რესტრუქტურიზაცია. მამუკა ბახტაძე კვლავ ეყრდნობა ფინანსთა მინისტრის ინფორმაციას, რომ ეს პროცესი არ იყო მიზანშეწონილი. ამასთან აცხადებს, „ომეგა ჯგუფს“ ვალის გადახდა მოუწევს. ის ალოგიკურად მიიჩნევს „ომეგას“ საქმესთან ტელეკომპანია „იბერიას“ საკითხის დაკავშირებასაც.
„ცდილობენ, დაუკავშირონ თავისუფალი მედიის ფუნქციონირება საგადასახადო საკითხებს. აქ კიდევ ერთხელ მინდა გავაკეთო ჩემი კომენტარი, ესაა სრული უპასუხისმგებლობა. არსებობს კომერციული საქმიანობა, არსებობს ბიზნესი, ამ შემთხვევაში ჩვენ საქმე გვაქვს თამბაქოს წარმოებასთან, რომელმაც უნდა გადაიხადოს გადასახადი ისევე, როგორც ნებისმიერმა ეკონომიკურმა აგენტმა და ჩვენ გვაქვს თავისუფალი მედია. შესაბამისად, ამ საკითხების ერთმანეთთან დაკავშირება ესაა სრული უპასუხისმგებლობა“, - განაცხადა ბახტაძემ.