კომენტარი

მათ აქვთ ასეთი დავალება ხელისუფლებისგან, რომ შეამსუბუქონ მამა გიორგის მდგომარეობა საზოგადოების თვალში - დეკანოზის მეგობარი

დეკანოზ გიორგი მამალაძე კვლავ ღუდუშაურის კლინიკაში რჩება. მსჯავრდებული კლინიკაში მოინახულა მისმა მეგობარმა, ტარას შავშიშვილმა მოინახულა.

შავშიშვილი დარწმუნებულია, რომ დეკანოზის მძიმე დიაგნოზს ექიმები ხელისუფლების მითითებით მალავენ.

„ეს არის აბსურდული დასკვნა. თუ მათ ვერ იპოვეს კერა ინსულტის, ეს სულაც არ ნიშნავს იმას, რომ აქ საქმე არ გვაქვს ინსულტთან, ვინაიდან თავადაც მოეხსენებათ, რომ არსებობს ტრანზიტული ინსულტი. ისინი მალავენ რეალურ დიაგნოზს იმიტომ, რომ მათ აქვთ ასეთი დავალება ხელისუფლებისგან, რომ შეამსუბუქონ მამა გიორგის მდგომარეობა საზოგადოების თვალში. მათ იციან, რომ საფრთხის წინაშე დგას მამა გიორგი. იმის შიშიც ექნებათ, მე დარწმუნებულ ვარ, რომ ლეტალური შედეგით არ დამთავრდეს ეს ყველაფერი და თავზე არ ჩამოემხოთ მთელი ეს სისტემა,“ - განაცხადა ტარას შავშიშვილმა.

შეგახსენებთ, ე.წ. ციანიდის საქმეზე ბრალდებული დეკანოზი გიორგი მამალაძე საპატიმროდან 15 თებერვალს ღუდუშაურის სახელობის კლინიკაში გადაიყვანეს.