საზოგადოება

მედიაპლურალიზმი წინაპირობაა ევროკავშირსა და საქართველოს შორის ურთიერთობის გაზრდის თვალსაზრისით - დალია გრიბაუსკაიტე

ლიტვის პრეზიდენტის დალია გრიბაუსკაიტეს განცხადებით, ევროკავშირი ყურადღებით აკვირდება, თუ რა ხდება საქართველოში მედია და საზოგადოების პლურალიზმის თვალსაზრისით.

როგორც გრიბაუსკაიტემ ლიტვაში საქართველოს პრეზიდენტ გიორგი მარგველაშვილთან ერთობლივ პრესკონფერენციაზე აღნიშნა, მედია და საზოგადოების პლურალიზმი წინაპირობაა ევროკავშირსა და საქართველოს შორის ურთიერთობის გაზრდის თვალსაზრისით.

„ტელევიზია რუსთავი2-ის სიტუაცია ძალიან რთულია, ვიცი. მე ვთქვი, ჩემს გამოსვლაში, რომ პლურალიზმი მასმედიასა და საზოგადოებაში ძალიან მნიშვნელოვანია. ეს არის გარანტია უსაფრთხოებისა და დემოკრატიის ნებისმიერ საზოგადოებაში. ევროკავშირი, ძალიან ყურადღებით აკვირდება რა ხდება თქვენს ქვეყანაში ამ მიმართულებით და ეს ძალიან მნიშვნელოვანია და წინაპირობაა ევროკავშირსა და საქართველოს შორის ურთიერთობის გაზრდის თვალსაზრისით“,-აღნიშნა ლიტვის პრეზიდენტმა.

რაც შეეხება პროპაგანდას და საინფორმაციო ომებს, დალია გრიბაუსკაიტეს თქმით, ისევე როგორც „საქართველო, ბალტიისპირეთის ქვეყნები ძალიან სერიოზული პროპაგანდისტული წნეხის ქვეშ იმყოფებიან“.

„მე ამას ვუწოდებდი ომს იარაღის გარეშე. იგივე შეიძლება ითქვას, არა ბალტიისპირეთის ქვეყნებზე, არამედ მსოფლიოს სხვა ქვეყნებზეც. ისინი ერევიან საარჩევნო ომში საფრანგეთში, გერმანიაში. ჩვენს ტერიტორიაზე ძალიან ბევრია რუსულენოვანი არხები, ძალიან აგრესიულები - აგრესიულ პროპაგანდას ეწევიან. ამ პროპაგანდისტული ომში, ტყუილი ომში, მნიშვნელოვანია,რომ შევებრძოლოთ ტყუილს. გვჭირდება ვიყოთ ფრთხილები. ჩვენ შევქმენით სპეციალური ოფისი თავდაცვის სამინისტროში - ეს კიბერნეტიკული ომის წინააღმდეგ მიმართული ძალისხმევაა. თანხა, რომელიც იდება რუსეთის მიერ არის უზარმაზარი. ჩვენ ამას ვერ ვეწინააღმდეგებით. ამაში ვერ გავეჯიბრებით, მაგრამ ყველა ქვეყანამ უნდა გააკეთოს რაღაც, რაც მის ძალაშია“,-განაცხადა ლიტვის პრეზიდენტმა. დალია გრიბაუსკაიტეს კომენტარის თარგმანს საზოგადოებრივი მაუწყებელი ავრცელებს.

მონიკა დავლიანიძე