უახლესი ამბები
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
კომენტარი
მეგის ქარდავა ნაცემია, მის სიცოცხლესა საფრთხე ემუქრება - მეგის ქარდავას უკრაინელი ადვოკატი
უკრაინა-პოლონეთის საზღვარზე დაკავებული საქართველოს თავდაცვის სამინისტროს სამხედრო პოლიციის ყოფილი ხელმღვანელის მეგის ქარდავას უკრაინელი ადვოკატის ინფორმაციით, ქარდავას სიცოცხლეს საფრთხე ემუქრება.
ამის შესახებ მედიას მეგის ქარდავას ქართველმა ადვოკატმა მალხაზ ველიჯანაშვილმა განუცხადა.
„მეგის ქარდავასთან დაკავშირებით საექსტრადიციო პატიმრობაზე პროცესი გაიმართა, ეხებოდა სააპელაციო სასამართლოში იმ გადაწყვეტილების გასაჩივრებას, სადაც 40-დღიანი პატიმრობა შეეფარდა.
ამ პროცესზე მეგის ქარდავას ადვოკატმა განაცხადა, რომ მეგის ქარდავა იყო ნაცემი. მას ჰქონდა დაზიანებები ცხვირის და თვალის არეში. ის პროცესზე ვერ მოვიდა და ჩართვა განხორციელდა მისი დაწესებულებიდან, სადაც კარგად არც კი აჩვენეს კარგად. მეგის ქარდავამ და მისმა ადვოკატმა განაცხადეს, რომ მის სიცოცხლესა და ჯანმრთელობას საფრთხე ემუქრებოდა.
ეს უკავშირედბა რუსულ სპეცსამსახურებს, ასევე იმ კრიმინალური სამყაროს წარმომადგენლებს, ვინც მეგის ქარდავასთან არიან დაპირისპირებულები“,-განმარტა ველიჯანაშვილმა.
მეგის ქარდავა ივანო-ფრანკოვსკში 1 ნოემბერს უკრაინული უსაფრთხოების სამსახურის მიერ იქნა დაკავებული.
საქართველოს მთავარო პროკურატურის ინფორმაციით, მეგის ქარდავა იძებნებოდა არაერთი გამამტყუნებელი განაჩენის საფუძველზე. კერძოდ: იგი მსჯავრდებულია ე.წ. ციხის ბუნტის საქმეზე; მსჯავრდებულია პატიმართა წამების საქმეზე (ე.წ. ნავთლუღის სპეცოპერაციის საქმე); მსჯავრდებულია ე.წ „კასრების“ საქმეზე; მსჯავრდებული ბ.რ.-ს წამების საქმეზე; მსჯავრდებულია პოლკოვნიკ სერგო თეთრაძის წამების საქმეზე;
ამჟამად კი, საქართველოს საერთო სასამართლოების მიერ დაუსწრებლად იხილება მ.ქარდავას ბრალდების ხუთი სისხლის სამართლის საქმე: სახელმწიფო სახსრების გაფლანგვის საქმე; ელდარ ქობალიას, კობა მატკავას და მერაბ ყოლბაიას წამების საქმე; საქართველოს შს სამინისტროს სამეგრელო-ზემო სვანეთის სამხარეო მთავარი სამმართველოს უფროსის მოადგილეობის დროს ჩადენილი მალხაზ არქანიას წამების საქმე; ელბერდ კობერიძის თავისუფლების აღკვეთისა და წამების საქმე.
მონიკა დავლიანიძე