კომენტარი

მეორედ ვხდები მოწმე, თუ როგორ მიდის ხელისუფლება უზურპაციაზე და დიქტატურისკენ - ადა მარშანია

შეხვედრის გამართვის შემთხვევაში, "პატრიოტთა ალიანსი" მზად არის პრეზიდენტთან შეხვედრაზე მივიდეს.

შესაბამისი განცხადება დეპუტატმა ადა მარშანიამ გააკეთა.

ფრაქცია ,,საქართველოს პატრიოტების“ წევრს მიაჩნია, რომ პრეზიდენტმა საკონსტიტუციო ცვლილებების შესახებ სამი მოსმენით მიღებულ კანონს ვეტო უნდა დაადოს.

"ჩვენ წინააღმდეგი ვიყავით კონსტიტიციის ამ სახით მიღების. ჩვენ ყოველთვის დავესწრებით შეხვედრას, რათა რაღაც გამოსწორდეს ამ მიმართულებით.

კანონი არის საზოგადოებრივი შეთანხმება და კონსტიტუციის ირგვლივ განსაკუთრებული საზოგადოებრივი შეთანხმება უნდა იყოს, რაც სამწუხაროდ ვერ და არ მოხდა.

მე ჩემს პოლიტიკურ ცხოვრებაში მეორედ ვხდები მოწმე, თუ როგორ მიდის ხელისუფლება უზურპაციაზე და დიქტატურისკენ", - განაცხადა ადა მარშანიამ.

ნინო ექვთიმიშვილი