პოლიტიკა

მეთევზეობისა და შავი ზღვის მონიტორინგის დეპარტამენტის უფროსი თანამდებობას ტოვებს

გარემოს ეროვნული სააგენტოს მეთევზეობისა და შავი ზღვის მონიტორინგის დეპარტამენტის უფროსი, არჩილ გუჩმანიძე თანამდებობას ტოვებს.

ამის შესახებ მან სოციალურ ქსელში დაწერა.

„ჩემო მეგობრებო, გარემოს ეროვნული სააგენტოს ხელმძღვანელობასთან იდეური და თემატური შეუთავსებლობის გამო, ვტოვებ მეთევზეობისა და შავი ზღვის მონიტორინგის დეპატრტამენტის უფროსის თანმდებობას. უდიდესი მადლობა ჩემს გუნდს, თქვენს გარეშე არანაირი წარმატება არ მიიღწეოდა. ჩვენ ერთად უდიდესი სიმაღლეები დავიკავეთ. პირველად ისტორიაში საქართველო გავიყვანეთ საერთაშორისო სიბრტყეში, პირველად დავაფუძნეთ რეალური მონიტორინგი და გარემოსდაცვითი შეფასება - ზღვის ბიოლოგიის საქმეში. კოდევ მრავალი აღმოჩენა და წარმატება, სამწუხაროა, რომ ქვეყანაში არავინ აღმოჩნდა 90-წლიანი სკოლის დამფასებელი. ვწუხვარ რომ ვერ შევძელი ამ სკოლის გადარჩენა და აღორძინება. მადლობა ყველას. პირველ რიგში ჩემს გუნდს. გამაგრდით ყველაფერი კარგად იქნება.“- წერს არჩილ გუჩმანიძე ფეისბუკზე.