პოლიტიკა

მეტი ქალი უნდა ჩავრთოთ პარტიულ საქმიანობაში - კახა კალაძე

თბილისის მერმა და „ქართული ოცნება – დემოკრატიული საქართველოს“ გენერალურმა მდივანმა კახა კალაძემ მცხეთაში მიმდინარე რეგიონულ კონფერენციაზე „ქართული ოცნების“ წევრებს პარტიულ საქმიანობაში ახალგაზრდებისა და ქალების ჩართვისკენ მოუწოდა.

„მინდა, რაც შეიძლება მეტი ახალგაზრდა, მეტი ქალი ჩავრთოთ პარტიულ საქმიანობაში.

ჩვენ საკმაოდ აქტიური ქალბატონები გვყავს პარტიაში და გვინდა, რომ პარტიის კარი მაქსიმალურად გავხსნათ იმისათვის, რომ მეტი ახალგაზრდა და მეტი გამოცდილი ადამიანი იყოს ჩვენი პარტიის წევრი“, – განაცხადა კალაძემ.

ღონისძიებაში პარტიის თავმჯდომარე გიორგი კვირიკაშვილი, პარტიის გენერალური მდივანი კახა კალაძე და პარტიის აღმასრულებელი მდივანი ირაკლი კობახიძე მონაწილეობენ.

მცხეთის გარდა „ქართული ოცნება – დემოკრატიული საქართველო“ რეგიონულ კონფერენციებს აწყობს ასევე გორსა და ახალციხეში.