საზოგადოება

მეტროსადგურ „დიდუბეში“ მატარებელი მამაკაცს დაეჯახა

მეტროსადგურ „დიდუბეში“ მატარებლების მოძრაობა დროებით შეჩერებულია.

შეფერხების მიზეზი გახდა ის, რომ დიდუბე-გოცირიძის ღია მონაკვეთზე, მატარებელი შუა ხნის მამაკაცს დაეჯახა, რომელიც აკრძალულ ზონაში გადაადგილდებოდა.

როგორც სასწრაფო დახმარების სამსახურში აცხადებენ, ადგილზე მისულ ექიმებს მამაკაცი უკვე გარდაცვლილი დახვდათ.

მოძრაობა მეტროსადგურის ამ მომანკვეთზე ორივე მიმართულებით შეჩერებულია და ჯერჯერობით უცნობია როდის აღდგება ის.