კომენტარი

მეცხრე მომწვევის პარლამენტის პირველ სესიას რევაზ არველაძე გაუძღვება

მეცხრე მოწვევის პარლამენტის პირველ სხდომას, პარლამენტის უხუცესი დეპუტატი რევაზ არველაძე წაიყვანს.

როგორც არველაძემ მედიასთან საუბარში აღნიშნა, პარლამენტის სესიის პირველი დღის წესრიგი საკანონმდებლო ორგანოს რეგლამენტშია გაწერილი.

მისი თქმით, ხვალინდელ სესიაზე მოხდება პარლამენტის თავმჯდომარის, მისი მოადგილეების, კომიტეტების თავმჯდომარეების არჩევა.

„ეს იქნება პირველ რიგში, არჩევა დროებითი ხმის დამთვლელი კომისიის და დროებითი სამანდატო კომისიის. ამის შემდეგ მოვისმენთ ჩვენ ქალბატონი თამარ ჟვანიას ინფორმაციას პარლამენტის არჩევნების შედეგების შესახებ. ამის შემდეგ, რა თქმა უნდა, იქნება რეგისტრაცია ფრაქციებისა, უმრავლესობის და უმცირესობის. შემდეგ გადავალთ არჩევნებზე. უნდა ავირჩიოთ პარლამენტის თავმჯდომარე, თავმჯდომარის მოადგილეები. ასევე უნდა გავნსაზღვროთ კვოტები, თუ რომელ ფრაქციას რამდენი კვოტა ექნება ამა თუ იმ კომიტეტში და შემდეგ იქნება არჩევნები კომიტეტის თავმჯდომარეების“,-განაცხადა არველაძემ.

მეცხრე მოწვევის პარლამენტის პირველი სესია 12:00-თვის არის ჩანიშნული.

მას საქართველოს პრეზიდენტი, პრემიერ-მინისტრი, მთავრობის წევრები, დიპლომატიური კორპუსის წარმომადგენლები, კათოლიკოს-პატრიარქი და სხვადასხვა კონფესიის წარმომადგენლები.

მონიკა დავლიანიძე