უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
არქივი
საზოგადოება
მიანიჭებს თუ არა დევნილთა სამინისტრო მუსტაფა ემრე ჩაბუკს ლტოლვილის სტატუსს 6 თვეში გაირკვევა
ლტოლვილთა და განსახლების სამინისტროს წარმომადგენელი ხვალ, სასჯელაღსრულების დაწესებულებაში, „დემირელის“ სკოლის მასწავლებელთან მუსტაფა ემრე ჩაბუკთან გასაუბრებას გამართავს.
ჩაბუკის ადვოკატის თქმით, გასაუბრების შემდეგ, სამინისტრო, სულ მცირე 6 თვის ვადაში მიიღებს გადაწვყეტილებას მიანიჭებს თუ არა თურქ მასწავლებელს ლტოლვილის სტატუსს.
„ჩაბუკმა ანკეტირების პროცესი უკვე გაიარა, ასევე მისმა მეუღლემ გაიარა ანკეტირების პროცესი. გასაუბრებას მხოლოდ მე დავესწრები, როგორც მისი ინტერესების დამცველი. თუმცა საქმეში ასევე, ჩართულია სახალხო დამცველის წარმომადგენლები. კანონის მიხედვით, ლტოლვილთა და განსახლების სამინისტროს აქვს 6-თვიანი ვადა გადაწყვეტილების მისაღებად, თუ ამ ვადაში ვერ მიიღო გადაწყვეტილება კიდევ 9-თვე აქვს, რომ გააგრძელოს პროცესი,ამ ვადაშიც თუ არ ჩაეტია იღებს კიდევ სამ თვეს, განსაკუთრებულ შემთხვევებში კი, პროცესი 21 თვემდეც შეიძლება გაიწელოს. მაგრამ, მე ვვარაუდობ, რომ 6 თვეში ყველაფერი გაირკვევა,“-აღნიშნა ადვოკატმა სოსო ბარათაშვილმა.
„დემირელის“ სკოლის მასწავლებელი მუსტაფა ემრე ჩაბუკი ქართველმა სამართალდამცველებმა 1 თვის წინ თურქული მხარეს მოთხოვნის საფუძველზე დააკავეს. ანკარა მას ტერორიზმთან კავშირში ადანაშაულებს.
მუსტაფა ემრე ჩაბუკი წინასაექსტრადაციო პატიმრობაში იმყოფება.
მონიკა დავლიანიძე