სამართალი
მიგვაჩნია, რომ კარვების დაშლა იყო არაპროპორციული ჩარევა გამოხატვის თავისუფლებაში - ნინო ლომჯარია
სახალხო დამცველმა ნინო ლომჯარიამ სამართალდამცველთა მიერ თბილისის პარლამენტთან განთავსებული კარვების დაშლა დაგმო. მისი შეფასებით, ეს იყო არაპროპორციული ჩარევა გამოხატვის თავისუფლებაში.
ლომჯარიას თქმით, შსს-მ უნდა გამოაქვეყნოს დაკავებულ პირთა სია.
„ისე სწრაფად ვითარდება მოვლენები, რთულია ყველაფრის შეფასება, მაგრამ ამ დროისთვის, მიგვაჩნია, რომ კარვების დაშლა იყო არაპროპორციული ჩარევა გამოხატვის თავისუფლებაში; შსს-მ უნდა გამოაქვეყნოს ყველა დაკავებული პირის შესახებ ინფორმაცია, ვინ და რა მუხლითაა დაკავებული, სათითაოდ ვარკვევთ და სრული სურათი არ გვაქვს; ყველას შეუძლია მოგვმართოს, მათი დაკავების კანონიერების შესასწავლად; სასამართლოს სამზარეულოში მომხდარ ინციდენტზე უნდა დაიწყოს საქმის შესწავლა, მოწმეთა ჩვენებებზე და არსებულ ვიდეომასალებზე დაყრდნობით, უფლებამოსილების გადამეტების შემთხვევაში დადგეს შესაბამისი პირების პასუხისმგებლობა“, - თქვა სახალხო დამცველმა.