სამართალი
მიხეილ თათარაშვილი პოლიციელებისთვის ჩივილს აპირებს
მიხეილ თათარიშვილის ადვოკატი არ გამორიცხავს, რომ იმ პოლიციელებს, რომლებმაც მათი მტკიცებით, თათარიშვილს 18 აბი სუბოტექსი ჩაუდეს, სასამართლოში უჩივლონ.
როგორც ადვოკატმა ირმა ჭკადუამ მიხეილ თათარიშვილის საქმეზე გამამართლებელი განაჩენის გამოტანის შემდეგ ჟურნალისტებთან საუბრისას განაცხადა, თათარაშვილის საქმე უნდა გახდეს მაგალითი პროკურორებისთვის, რათა უკანონო ქმედებებში შემჩნეული პოლიციელების წინააღმდეგ საპროკურორო ზედამხედველობა განახორციელონ.
”ეს უნდა იყოს პრეცედენტი იმისთვის, რომ არც ერთმა პოლიციელმა მომავალში არ გაბედოს უდანაშაულო ადამიანს ჩაუდოს ნარკოტიკი ან იარაღი. ეს იქნება მაგალითი პროკურორებისთვის, მათ განახორციელონ საპროკურორო ზედამხედველობა და არ ენდონ იმ პოლიციელებს, რომლებიც შემჩნეულები არიან უკანონო ქმედებებში”, - განაცხადა ირმა ჭკადუამ.
ნინო ექვთიმიშვილი