უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
არქივი
საზოგადოება
მიმდინარეობს მთის დემონტაჟი მრავალსართულიანი კორპუსების აშენების მიზნით - დავით მესხიშვილი
საქართველოს ტრანსპორტისა და გზების ასოციაციის თავმჯდომარე, დავით მესხიშვილი ფეისბუქის პირად გვერდზე ძველ თბილისში მთის თხრის შესახებ სტატუსს აქვეყნებს:
,,მიმდინარეობს მთის დემონტაჟი ქალაქის ცენტრში!
დღეს, მთაზე აცოცებულმა ამ არსებამ გამაღვიძა (ბოლი რომ ასდის ფოტოზე), რომელიც დედაქალაქის ცენტრში, მის გულში, ძველი თბილისის რაიონში, ნინო ჟვანიას ქუჩაზე, დაუნდობლად თხრის მთას. სინამდვილეში მარტო კი არ თხრის, არამედ მიმდინარეობს მთის დემონტაჟი მრავალსართულიანი კორპუსების აშენების მიზნით. გეოლოგებისა და ექსპერტების არაერთგზის გაფრთხილებისა, რომ აქ მშენებლობა კატეგორიულად დაუშვებელია, ვინაიდან მცოცავი ქანებია და უფრო მეტიც, აქტიურად მიმდინარეობს ეროზიული პროცესები, რაც საფრთხეს უქმნის მოქალაქეების სიცოცხლეს, "მშენებლებმა" არათუ არ შეაჩერეს ეს ვანდალიზმი, არამედ უფრო ზევით, მთის მწვერვალზე აცოცდნენ. ნადგურდება მთაწმინდისა და კუს ტბის გამყოფი ქედი, ულამაზესი ადგილი. ამ ფაქტს თუ უბრალოდ დანაშაულს ვუწოდებთ, ალბათ ძალიან მსუბუქი შეფასება იქნება, ეს არის არაადამიანობა! თბილისის მერიავ შეაჩერე ეს ბოროტება! შეაჩარეთ ბუნების განადგურების ეპიდემია დედაქალაქში!
70-იან წლებში არსებობდა არაჩვეულებრივი სარეკრეაციო გეგმა, რის მიხედვითაც მთაწმინდის პარკი საფეხმავლო ბილიკებით, ამ ქედის გავლით, უნდა დაკავშირებოდა კუს ტბას. ეს კი, საშუალებას მისცემდა დამსვენებელს ერთდროულად ესარგებლა ორი ერთმანეთისგან სრულიად განსხვავებული და ძალიან მრავალფეროვანი სარეკრეაციო ზონით. ამ პროექტის განხორციელებას ვინღა ჩივის, როდესაც ძალიან მალე აქ მთაწმინდის ქედი საერთოდ აღარ იარსებებს. ბილიკები კი, ბეტონის ჯუნგლებში გაივლის.
P.s ძალიან გთხოვთ მონიშნოთ ყველა ის ორგანიზაცია თუ პიროვნება, ვის კომპეტენციაშიც შეიძლება შედიოდეს ამ ბოროტების შეჩერება!“, - წერს დავით მესხიშვილი და ფაქტის ამსახველ ფოტოს აქვეყნებს.