უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
- 26.04.2024 12:59საქართველოს მოსახლეობის რაოდენობა შემცირდა - საქსტატი
- 26.04.2024 12:54The Digital Banker-მა საქართველოს ბანკი საუკეთესო ციფრული სამომხმარებლო გამოცდილების მქონე ბანკად დაასახელა საქართველოში
- 26.04.2024 12:40სპეციალურმა საგამოძიებო სამსახურმა იძულების ფაქტზე შინაგან საქმეთა სამინისტროს თანამშრომელი ამხილა
არქივი
საზოგადოება
მნიშვნელოვანია, გამოძიებამ არსებულ კითხვებს გასცეს პასუხი - ანა ნაცვლიშვილი
პრეზიდენტის საპარლამენტო მდივნის, ანა ნაცვლიშვილის განცხადებით, თემირლან მაჩალიკაშვილის დაჭრის ფაქტზე ძირითადი 2 ტიპის კითხვები არსებობს: რა ზომებს მიმართა სახელმწიფომ, რომ ასეთი შედეგი თავიდან აეცილებინა, და რამდენად ეფექტური იყო ეს მოქმედებები.
ნაცვლიშვილმა აღნიშნა, რომ მნიშვნელოვანია იმ კონტექსტის გათავლისწინება, რომელშიც ქვეყანა იმყოფება, და ტერორიზმთან დაკავშირებული რისკები.
„ამ საკითხთან დაკავშირებით, უპირველეს ყოვლისა, ვიტყოდი იმას, რომ უდიდესი ტრაგედიაა, როცა 19 წლის ახალგაზრდის სიცოცხლე იკარგება. ძალიან მნიშვნელოვანია, რომ ამ საქმეზე ჩატარდეს გამოძიება, რომელიც იქნება ობიექტური და რომელიც საზოგადოებაში არსებულ კითხვებს პასუხს გასცემს.
ორი ძირითადი მიმართულებით არის დაგროვილი ეს კითხვები. ერთი ბუნებრივია, მიემართება იმისკენ, რა ზომები მიიღო სახელმწიფომ, რომ ეს არ დასრულებულიყო ამ შედეგით, რადგან სიცოცხლის უფლება არის ძალიან მაღალი ღირებულება, რომელიც ყველას ავალდებულებს მოქმედებას იმისთვის, რომ ასეთი შედეგები არ დადგეს. ყველაზე მნიშვნელოვანი მიმართულება, რაზეც საზოგადოება პასუხს ითხოვს, ეს არის სახელმწიფოს მოქმედება ანტიტერორისტული საქმიანობის მიმართულებით და ამ მოქმედების ეფექტურობა. ორივე მიმართულებით, როგორც ადამიანის სიცოცხლის უფლების დაცვის მიმართულებით, ასევე სახელმწიფოს ანტიტერორისტული საქმიანობის მიმართულებით არსებული კითხვები, საჭიროებს პასუხებს. პრეზიდენტი და ჩვენ ყველა ველოდებით ობიექტურ გამოძიებას. ზოგადად, ასევე ვიტყოდით იმას, რომ ძალიან მნიშვნელოვანია ის კონტექსტი, რომელშიც ქვეყანა იმყოფება, ის რისკები, რომელიც ტერორიზმის სახით არა მხოლოდ საქართველოს, სამწუხაროდ, მთელ მსოფლიოს აქვს. ერთ-ერთ უმთავრეს გამოწვევად და ეს პრობლემა, რომ ჩვენი ქვეყნისთვის მნიშვნელოვანი და აქტუალური პრობლემაა კიდევ ერთხელ ჩანს მიმდინარე მოვლენებით და კიდევ ერთხელ ხაზს უსვამს იმ არასწორ მოქმედებას, რომელ მოქმედებათა წყებაც უკავშირდება უშიშროების საბჭოს საკითხსა და ახალ კონსტიტუციაში სრულიად სხვაგვარად დარეგულირებას. პრეზიდენტი და ჩვენ ყველა ველოდებით ობიექტურ გამოძიებას, რომელიც როგორც ვიცით, დაწყებულია, მაგრამ მნიშვნელოვანია, რომ არსებულ კითხვებს გასცეს პასუხი“, - განაცხადა ნაცვლიშვილმა.