საზოგადოება

`მონა, ვირთხა, სამარცხვინო` - დემონსტრანტებმა პარლამენტში მერაბ ქვარაია არ შეუშვეს

საკანონმდებლო ორგანოში, საპარლამენტო უმრავლესობის წევრის რევაზ არველაძის მსგავსად, არც დეპუტატი მერაბ ქვარაია არ შეუშვეს.

"მონა, ვირთხა, სამარცხვინო" - სკანდირებდნენ აქტივისტები. საპარლამენტო უმრავლესობის წევრმა ტერიტორია ხმაურის ფონზე დატოვა.

თავის მხრივ, ქვარაიამ აქციის მონაწილეებს უთხრა, რომ სამარცხვინოები თავად არიან.

ამასთან, მცირე დაპირისპირება მოხდა პარტია "ახალი საქართველოს" ლიდერ გიორგი ვაშაძეს და ქვარაიას შორისაც.

გიორგი ვაშაძემ ქვარაიას მოუწოდა, დეპუტატები აქციის მონაწილეებს ნუ გამოიწვევენ და თავი შეიკავონ პარლამენტში მისვლისგან.

გიორგი ვაშაძის თქმით, მერაბ ქვარაიამ ხელი მოაწერა დიდ ტყუილს, რის გამოც პასუხს მიიღებს. „თქვენს ადგილზე ხმასაც არ ამოვიღებდი“, – მიმართა ვაშაძემ ქვარაიას.