რეგიონები

მოტეხილი ხეები და დაწყვეტილი ელექტროსადენები - ძლიერმა ქარმა ჩოხატაურში პრობლემები შექმნა

უამინდობამ ჩოხატაურში პრობლემები შექმნა. ძლიერი ქარის გამო სოფლებში, კოხნარსა და ერკეთში მოტეხილია ხეები, დაწყვეტილია ელექტროსადენები.

რამდენიმე უბანს არ მიეწოდება ელექტროენერგია.

ჩოხატაურის მერის, ირაკლი კუჭავას ინფორმაციით, სერიოზული ზარალის შესახებ ინფორმაცია არ არსებობს.

„ძლიერი ქარი რამდენიმე წუთს გაგრძელდა. უკვე მისმა სიმძლავრემ იკლო. ვიღებთ ინფორმაციას სოფლების გამგებლებიდან.

შემაშფოთებელი ვითარება ნამდვილად არაა. სერიოზული ზარალის შესახებ ინფორმაცია არ არსებობს“, – განაცხადა ირაკლი კუჭავამ.