უკან

უახლესი ამბები

დღის კალენდარი

ანონსები

არქივი

პოლიტიკა

26 დეკემბერი, 2018 15:20
font-size

მრისხანე პროტესტის შემსწრენი არ გავხდეთ, რაც ადვილი მოსალოდნელია - ნატო ჩხეიძე ზვიად გამსახურდიას საქმის გამოძიებაზე

პარლამენტარმა ნატო ჩხეიძემ საქართველოს პირველი პრეზიდენტის, ზვიად გამსახურდიას საქმის გამოძიებასა და ძმები გამსახურდიას შიმშილობაზე სოციალურ ქსელში დაწერა, რომ პოლიტიკური ნების არქონის შემთხვევაში საპარლამენტო უმრავლესობის ინიციატივა, რომ გამოძიება 5 წლით გახანგრძლივდეს, შედეგს ვერ გამოიღებს.

„სერიიდან: ის, რაც ვერ ვთქვი

დღეს ოთხშაბათია, განცხადებების დღე, მივედი სამდივნოსთან და ჩავეწერე. სიაში ჩემ წინ ათი დეპუტატი მაინც დავლანდე.

ცოტა ხანში მდივანი მეუბნება: დღეს განცხადებები აღარ იქნება, ახალი რეგლამენტით განცხადებების დღე სამშაბათიაო.

რა გაეწყობა.

აგერ, დავწერ, რაც უნდა მეთქვა:)

ორი კვირაა, პროკურატურის შენობასთან შიმშილობენ ზვიად გამსახურდიას შვილები. ჯერ კიდევ არ ან ვერ მოხერხდა ზვიად გამსახურდიას მკვლელობის ოფიციალური გაფორმება.

მმართველმა გუნდმა მოიღო მოწყალება და 5 წლით გაახანგრძლივა გამოძიების ხანდაზმულობის ვადა, რაც დადებით ქმედებად იქნა შეფასებული საზოგადოების მიერ.

მიუხედავად ამ ვითომ დადებითი აქტისა, გამსახურდიებს შიმშილი არ შეუწყვეტიათ, რადგან, თუ არ იქნება გამოყოფილი სპეციალური პროკურორი, და რაც მთავარია, არ იქნება პოლიტიკური ნება, - ვერც ის სპეციალური პროკურორი გააკეთებს რამეს და ის დამატებული ხუთი წელიც ისევე შემოგვადნება, როგორც 25 წელი გაილია უშედეგოდ.

არადა, საზოგადოებისთვის ყველაფერი დიდი ხანია ნათელია, ყველაფერი უკვე გამოკვლეულ/ დადგენილ/ დადასტურებულია თუნდაც კონსტანტინე გამსახურდიას საგამოძიებო კომისიითაც და თუნდაც როსტომ ჩხეიძის ბიოგრაფიული რომანითაც: „ეკლის გვირგვინი“.

პროკურატურას ისღა დარჩენია, რომ არსებული დასკვნები ოფიციალურად გააფორმოს.

ზვიად გამსახურდია მხოლოდ მისი შვილების მამა არ არის, ის ჩვენი ქვეყნის მამაა, ჩვენი დღევანდელი დამოუკიდებელი სახელმწიფო მისი შექმნილია და ჩვენი დასავლური პოლიტიკური ორიენტაციაც მის მიერ არის განსაზღვრული.

პოლიტიკური ნება ამ რეალობაში ერთადერთი სწორი გამოსავალია, რათა ამ ქვეყნის გულანთებული შვილების, უამრავი ადამიანის შიმშილობის კი არა, მრისხანე პროტესტის შემსწრენი არ გავხდეთ, რაც ადვილი მოსალოდნელია.

არ უნდა განმეორდეს კირიონ მეორის ტრაგიკული ისტორია, როცა 80 წელი დასჭირდა მისი მკვლელობის დადასტურებას, რაც ათეული წლები თვითმკვლელიბად საღდებოდა ყალბი ვერსიის გავრცელების გამო, მერე კი კირიონ მეორე, მოგეხსენებათ, წმინდანადაც შეირაცხა.

კირიონ მეორის მკვლელობის სამართლებრივი შეფასება ცხადია, არ მოხდებოდა ბოლშევიკურ- კომუნისტურ ეპოქაში, და არც მოხდა, რადგან მაშინ არ არსებობდა ამის პოლიტიკური ნება და ამიტომაც გაყალბდა ისტორია, ამიტომაც დაიგვიანა ათეული წლები სიმართლის გამომზიურებამ.

და თუ კვლავ, ახლაც, არ იარსებებს პოლიტიკური ნება, ძალაუნებურად იქმნება საშიშროება, რომ იმ ძველი ეპოქისთვის ნიშანდობლივ განუკითხაობას დაემსგავსება ჩვენი დღევანდელი სახელისუფლო პოლიტიკა,

რაც, ცხადია, სასურველი სულაც არ არის ჩვენი დემოკრატიული წყობისა და ევროსტრუქტურებისკენ მისწრაფების ვითარებაში.

ამიტომ სჯობს, დროულად გამოიჩინონ პოლიტიკური ნება მათ, ვისაც ეს ეგების.

გმადლობთ“, - დაწერა ნატო ჩხეიძემ ფეისბუკის საკუთარ გვერდზე.

არჩილ თალაკვაძემ ამერიკის შეერთებულ შტატებში პირველი სამუშაო ვიზიტი დაასრულა

20 ივლისი, 2019 , 11:23

საქართველოს პარლამენტის თავმჯდომარემ არჩილ თალაკვაძემ თანმხლებ დელეგაციასთან ერთად, ამერიკის შეერთებულ შტატებში პირველი სამუშაო ვიზიტი დაასრულა. ვიზიტის ბოლო დღეს არჩილ თალაკვაძემ შეხვედრები სახელმწიფო დეპარტამენტში, აშშ

ლაშა დარსალია ეუთო-ს გენერალურ მდივანს შეხვდა

20 ივლისი, 2019 , 10:59

18-19 ივლისს საქართველოს საგარეო საქმეთა მინისტრის მოადგილე ლაშა დარსალია სამუშაო ვიზიტით ვენაში იმყოფებოდა. საქართველოს საგარეო უწყების ცნობით, ვიზიტის ფარგლებში მინისტრის მოადგილე შეხვდა ეუთო-ს გენერალურ მდივანს, თომას

დავით ზალკალიანი ევროპისა და ევრაზიის საკითხებში აშშ-ის სახელმწიფო მდივნის თანაშემწეს შეხვდა

19 ივლისი, 2019 , 16:30

საქართველო-ამერიკის სტრატეგიული პარტნიორობის მიმდინარე საკითხები, რეგიონში არსებული უსაფრთხოების გარემო, საქართველოს ევრო-ატლანტიკური ინტეგრაციის პროცესი განიხილეს საქართველოს საგარეო საქმეთა მინისტრმა, დავით ზალკალინმა

საქართველოს დელეგაციამ გაერო-ს მაღალი დონის პოლიტიკურ ფორუმში მიიღო მონაწილეობა

19 ივლისი, 2019 , 11:44

საქართველოს დელეგაციამ მთავრობის ადმინისტრაციის უფროსის, კახა კახიშვილის ხელმძღვანელობით 13-19 ივლისს ნიუ-იორკში მდგრადი განვითარების მიზნების (SDG) შესახებ გაერო-ს მაღალი დონის პოლიტიკურ ფორუმში (HLPF) მიიღო მონაწილეობა

საქართველოში ტურიზმის მხარდასაჭერად ისრაელის დელეგაცია იმყოფება

18 ივლისი, 2019 , 14:20

„ისრაელის სახლის“ მოწვევით, თბილისს ისრაელის ქნესეთისა და პრემიერ ნეთანიაჰუს პარტიის - ლიქუდის წევრები, აგრეთვე, ბიზნესისა და მედიის წარმომადგენლები სტუმრობენ. 25-კაციან დელეგაციას ქნესეთის მმართველი კოალიციი

თავდაცვის მინისტრი ნატოს გენერალური მდივნის მოადგილის თანაშემწეს შეხვდა

18 ივლისი, 2019 , 11:15

თავდაცვის მინისტრმა, ლევან იზორიამ ოპერაციების საკითხებში ნატოს გენერალური მდივნის მოადგილის თანაშემწეს, ჯონათან პერიშს უმასპინძლა. მხარეებმა ნატო-საქართველოს ურთიერთობის სტრატეგიული ასპექტები და თანამშრომლობის განვითარე

ვიდეო გალერეა

ზაზა ოქუაშვილი ახალი მასშტაბური კორუფციული სქემის შესახებ საუბრობს