მსოფლიო

მსოფლიოში კორონავირუსით დაინფიცირებულთა რაოდენობამ 1,5 მილიონს გადააჭარბა

მსოფლიოში კორონავირუსით დაინფიცირებულთა რაოდენობამ 1,5 მილიონს გადააჭარბა, - ამის შესახებ ინფორმაციას „სიენენი“ ჯონს ჰოპკინსის უნივერსიტეტზე დაყრდნობით ავრცელებს.

მათივე ინფორმაციით, ვირუსით დაღუპულია 88 000-ზე მეტი ადამიანი.

ყველაზე მეტი ინფიცირებული აშშ-შია, სადაც 9 აპრილის მონაცემებით, ვირუსი 432 132 ადამიანს დაუდასტურდა. მეორე ადგილზეა ესპანეთი 148 220 ინფიცირებულით, ხოლო მესამეზე იტალია, სადაც “კოვიდ 19”-ის დიაგნოზი 139 422 ადამიანს დაუსვეს.

შეგახსენებთ, ახალი კორონავირუსი ჩინეთში, კერძოდ პროვინცია ხუბეის ქალაქ უხანში გასული წლის 31 დეკემბერს დაფიქსირდა, საიდანაც მთელ მსოფლიოში გავრცელდა. ჯანდაცვის მსოფლიო ორგანიზაციამ პანდემია გამოაცხადა.