უკან

პოლიტიკა

22 დეკემბერი, 2018 12:40
font-size

მთავარი პროკურატურა უნარიანი არ არის და ზვიად გამსახურდიას მკვლელობის საქმის გამოძიება მას უბრალოდ, არ შეუძლია - ცოტნე გამსახურდია

მთელი რიგი მიზეზების გამო და ამ მიზეზთა ერთობლიობით, ფაქტია, დღეს, მთავარი პროკურატურა უნარიანი არ არის და ზვიად გამსახურდიას მკვლელობის საქმის გამოძიება მას უბრალოდ, არ შეუძლია, – განაცხადა ზვიად გამსახურდიას შვილმა, ცოტნე გამსახურდიამ პირველი არხის გადაცემაში „აქტუალური თემა მაკა ცინცაძესთან ერთად“ სტუმრობისას.

მისი თქმით, ზვიად გამსახურდიას მკვლელობის საქმეზე ხანდაზმულობის ვადის გახანგრძლივება მისასალმებელია, მაგრამ თუ ეს იქნება უბრალოდ, გახანგრძლივება გახანგრძლივებისთვის, სჯობს, ეს საქმე დახურონ.

„თუ ასე იქნება, სჯობს, ეს საქმე დახურონ, ვიდრე კიდევ ხუთი წელი ვიწვალოთ და ამ საქმიდან მოწმეებიც გაქრნენ, საზღვარგარეთ გაიქცნენ ან დაიხოცონ. ჩვენი მთავარი მოთხოვნა გახლავთ ამ საქმეზე პოლიტიკური ნების გამომჟღავნება, რასაც დღეს ვერ ვხედავთ. დღეს, პოლიტიკური ნება პირიქით არის, რომ ეს საქმე მიიჩქმალოს, გაფუჭდეს და მოკვდეს“, – განაცხადა ცოტნე გამსახურდიამ.

მისი თქმით, ცხედრის ვიზუალური დათვალიერების ოქმები და მოწმეთა ჩვენებები ცხადყოფს, რომ ზვიად გამსახურდიას თავი არ მოუკლავს.

„მიუხედავად ამ ყველაფრისა და მიუხედავად იმისა, რომ გამოძიებას წლებია, ვთხოვთ და ვთავაზობთ, საგამოძიებო ექსპერიმენტი ჩაატარონ, ის დღემდე არ ჩატარებულა. ჩატარდა მხოლოდ ტანსაცმლისა და გენეტიკური ექსპერტიზა. მე ამიღეს სისხლი და დაადასტურეს, რომ ეს მართლა ზვიად გამსახურდია იყო“, – განაცხადა ცოტნე გამსახურდიამ.

როგორც ცოტნე გამსახურდიამ აღნიშნა, ამ საქმეში მთავარი უბედურება ისაა, რომ სამართლებრივი სისტემა გამართული არაა და საქმის გამოძიება ვიღაცის ნებაზეა დამოკიდებული.

ზვიად გამსახურდიას შვილმა ასევე განაცხადა, რომ დღეს, არ ეგულება სინდისიერი და ჭკუათმყოფელი ადამიანი, ვისაც ოდნავი სიმპათია მაინც ექნება სიგუას, კიტოვანისა და სხვების მიმართ, ვინც 1992 წელს მშვიდობიან მიტინგებზე ადამიანებს არბევდა თუ ხვრეტდა და ამიტომ, მათი პოლიტიკური პასუხისმგებლობის საკითხი დიდი ხანია, დამდგარია, მაგრამ მათი სამართლებრივი პასუხისმგებლობის საკითხი აუცილებლად უნდა დადგეს.

„ჩვენი მთავრობების შეგნებული უმოქმედობით, ზოგიერთ საქმეს ხანდაზმულობის ვადა გაუვიდა, ზოგიერთს კი, ჯერ კიდევ არ გასვლია. რა თქმა უნდა, მათი და შემსრულებლების სამართლებრივი პასუხისმგებლობის საკითხი უნდა დადგეს. ელემენტარულად, რა დააშავეს იმ ადამიანებმა და მათი ოჯახის წევრებმა, ვინც მშვიდობიანი მანიფესტაციის დროს ქუჩაში დახვრიტეს?“, – განაცხადა გამსახურდიამ.

მისივე თქმით, ჩვენი ქვეყანა და მისი უახლესი ისტორიის გადმოცემა, ისევე, როგორც ის სისტემა, რომელსაც ახლა ებრძვის, სიცრუეზე, სიყალბეზე, სიბინძურეზე დგას და ამიტომ არის, რომ 30 წელია ფაქტობრივად, ერთი და იგივე წრეზე დავდივართ.

ცოტნე გამსახურდიამ გადაცემაში სტუმრობისას დევნილობაში გატარებული წლებიც გაიხსენა.

გიორგი გახარია სამხრეთ კავკასიაში მსოფლიო ბანკის რეგიონულ დირექტორს, სებასტიან მოლინეუსს შეხვდა

19 იანვარი, 2021 , 11:43

შესანიშნავი შეხვედრა იყო, ჩვენი მოსაზრებები თანხვედრაშია იმ წარმატებული თანამშრომლობის შესახებ, რომელიც საქართველოს მთავრობასა და მსოფლიო ბანკს ბოლო წლების განმავლობაში აკავშირებს, – ამის შესახებ სამხრეთ კავკასიაში

საქართველოს ინტეგრაცია ევროატლანტიკურ სივრცეში არის შეუქცევადი გზა და ამას ალტერნატივა არ აქვს - „ევროპელი სოციალისტები“

18 იანვარი, 2021 , 21:32

პოლიტიკური პარტია „ევროპელი სოციალისტების“ პოლიტსაბჭოს უკლებლივ ყველა წევრი კატეგორიულად ემიჯნება სხვადასხვა მედია საშუალებებით გავრცელებულ ინფორმაციას იმის შესახებ, რომ პოლიტსაბჭოს ზოგიერთი წევრი არის ანტიდა

ლევან ვასაძე პოლიტიკაში აქტიურად ერთვება

18 იანვარი, 2021 , 20:59

ქართულ პოლიტიკაში მალე რამდენიმე ახალი ძალა გამოჩნდება. სადაც ძირითადად ძველი სახეები იქნებიან. “რაინდი” ლევან ვასაძე პოლიტიკაში ოფიციალურად არასდროს ყოფილა, მაგრამ ყოველთვის პოლიტიკის გარშემო ტრიალებდა. მოსვ

ვმუშაობთ ახალი პოლიტიკური გაერთიანების შექმნაზე - სერგო ჩიხლაძე

18 იანვარი, 2021 , 17:15

„სტრატეგია აღმაშენებლის” ერთი-ერთი ლიდერის, სერგო ჩიხლაძის თქმით, მათ უკვე დაიწყეს მუშაობა ახალი პოლიტიკური გაერთიანების შექმნაზე. “დაწყებული გვაქვს მუშაობა. მსგავსი შეხედულებების პოლიტიკურ ძალებთან გვე

ალექსეი ნავალნიმ საკმაოდ მძიმე განცხადებები გააკეთა საქართველოს მიმართ - გია ვოლსკი

18 იანვარი, 2021 , 16:10

უნდა გავითვალისწინოთ, თუ რას გვიქადდა ნავალნი, როცა საქართველოსა და უკრაინის ოკუპაციაზე საუბრობდა - მისი გადაჭარბებული ქება-დიდება სწორად არ მიმაჩნია, - ამის შესახებ ჟურნალისტებს პარლამენტის პირველმა ვიცე-სპიკერმა გია ვო

პრემიერ-მინისტრი თურქეთის ელჩს შეხვდა

18 იანვარი, 2021 , 15:20

საქართველოს პრემიერ-მინისტრი გიორგი გახარია თურქეთის რესპუბლიკის ელჩს საქართველოში ფატმა ჯერენ იაზგანს შეხვდა. საუბარი შეეხო საქართველოსა და თურქეთის სტრატეგიულ პარტნიორობას, რეგიონში ბოლო პერიოდში განვითარებულ მოვლენებს