პოლიტიკა
მთავრობა ადგას ევროპის გზას, თუმცა ამ სვლაში ბევრი რუსული მეთოდი შეინიშნება–დავით უსუფაშვილი
საქართველო პარლამენტის ყოფილი თავმჯდომარის,დავით უსუფაშვილის განცხადებით, საქართველოს დღევანდელი მთავრობა ადგას ევროპის გზას, თუმცა, მისი თქმით, ამ სვლაში ბევრი რუსული მეთოდი შეინიშნება.
ამის შესახებ უსუფაშვილმა "განსხვავებულ აქცენტებში" ჟურნალისტის მიერ დასმული შესაბამისი შინაარსის კითხვის საპასუხოდ განაცხადა.
"ქართული სახელმწიფო, დღევანდელი მთავრობის ხელში ადგას ევროპის გზას, უბრალოდ შეინიშნება ძალიან ბევრი რუსული მეთოდი ევროპისკენ სვლაში. ამ რუსულმა მეთოდებმა დაღუპა უფრო მკაფიოდ დემონსტრირებული პროევროპული წინა ხელისუფლება. პრორუსული მეთოდებია მედიის რაღაცას ტიპის ჩარჩოებში მოქცევის მცდელობა, საკონსტიტუციო უმრავლესობები პარლამენტში, სასამართლოზე რაღაცა ტიპის გავლენები. ეს არის რუსული მეთოდები. პრობლემა იმაშია, რომ რუსული მეთოდებით ევროპისკენ სვლა ერთხელ კრახამდე მიგვიყვანა და მე არ მინდა, რომ ეს დაუსრულებელად გაგრძელდეს",–განმარტა დავით უსუფაშვილმა.
მონიკა დავლიანიძე