საზოგადოება

მზად ვარ განვიხილოთ აუდიტორია 115-თან საკანონმდებლო ცვლილებები- მარიამ ჯაში

პარლამენტის განათლებისა და მეცნიერების კომიტეტის თავმჯდომარე, მარიამ ჯაში მზადაა, აუდიტორია 115-ის წევრებთან ერთად საკანონმდებლო ცვლილებები განიხილოს, თუმცა იმ პირობით, რომ ის საერთაშორისო პრაქტიკას უნდა ეფუძნებოდეს.

მისი თქმით, მას დღეს, 4-დან 5- საათამდე სტუდენტური თვითმმართველობის წარმომადგენლებთან ექნება შეხვედრა, ხოლო 5 საათისთვის აუდიტორია 115-ის წარმომადგენლებს ელოდება.

„მე ვრჩები მზად, განვიხილოთ საკანონმდებლო ცვლილებები, მაგრამ ჩემი უპირობო მოთხოვნა რჩება, იყოს მხოლოდ კონსტრუქციული რეჟიმი და რეალურად ეფუძნებოდეს კარგ საერთაშორისო პრაქტიკას და შეფასებებს, რომელიც უკეთესი უფლებების დაცვის საშუალებას მოგვცემს სტუდენტური თვითმმართველობების კუთხით“,-აღნიშნა ჯაშმა.

აუდიტორია 115-ს წვერებს მეოთხე დღეა თსუ-ს მეექვსე კორპუსის შენობა აქვთ პიკეტირებული.

მონიკა დავლიანიძე