კომენტარი

ნანუკა ჟორჟოლიანის განცხადებით, ფონდების დაყადაღებაზე სარჩელი პროკურატურაში ვატო შაქარიშვილმა შეიტანა

ნანუკა ჟორჟოლიანის განცხადებით, ფონდების დაყადაღებაზე სარჩელი პროკურატურაში ვატო შაქარიშვილმა შეიტანა.

„მეგობრებო, ამ ადამიანის [ვატო შაქარიშვილის] შეტანილი სარჩელის საფუძველზე დაგვაყადაღეს. (ოფიციალურად) თორემ სინამდვილეში მიზეზი ყველამ ვიცით.

მოგმართავთ ყველას, ვისაც ჩვენთვის მოწერილი გაქვთ შვილების მძიმე დიაგნოზზე, შეწყვეტილი სტატუსის აღდგენაზე, ჩაჭრილ ელექტროენერგიაზე, ნისიებზე, ყველამ უნდა მიწეროთ აი ამ ც****ს, რადგან დღეიდან რომ ვეღარ დაგეხმარებით, ამ რუსეთის მონის დამსახურებაა.

თურქეთის კლინიკიდან რომ ბავშვი მყავდა რეანიმობილით გადმოსაყვანი, მათ ოჯახს განსაკუთრებით ვთხოვ. არ გთაგავთ, ამოიცნობთ თქვენს თავს“, - წერს ნანუკა ჟორჟოლიანი Facebook-ზე.

ცნობისთვის, ვატო შაქარიშვილი „ნეიტრალური საქართველოს“ წარმომადგენელია, რომელიც „ქართულ ოცნების“ მხარდამჭერი საზოგადოებრივი მოძრაობაა (დაანონსებული აქვს პარტიად გადაკეთება). საჯარო სივრცეში გავრცელებული ინფორმაციით, ეს მოძრაობა ეწინააღმდეგება ნატოსა და ევროკავშირში გაწევრიანებას და ნეიტრალიტეტს ემხრობა.

დაყადაღებულია სხვა ფონდებიც, მათ შორის: prosperitygeorgia.org - ნიკა გილაურის ფონდი; Human Rights House Tbilisi • თბილისის ადამიანის უფლებათა სახლი; ფონდი ერთმანეთისთვის 24/7; „სირცხვილია“.

ფოტო: TV პირველი