საზოგადოება

ნატო ჩხეიძე: ერთი ყვავილი ვერ გაიმეტეს მთაწმინდაზე ასულებმა, ერთი ყვავილი

პარლამენტის დამოუკიდებელი დეპუტატი ნატო ჩხეიძე სოციალურ ქსელში წერს:

„სერიიდან: აბა, შეხედეთ

დამოუკიდებლობისათვის ბრძოლის იდეური მედროშე მერაბ კოსტავა იყო და მისმა ბრძოლამ დამოუკიდებლობა მოგვიტანაო, ბრძანა პრემიერმა და ყვავილებით შეამკო მერაბ კოსტავას საფლავი მთაწმინდაზე.

მერაბ კოსტავას პატივისცემა დიახაც, დასაფასებელია, და ზვიად გამსახურდიაც იქვე არ არის? შორს წასვლა ხომ არ დასჭირდებოდათ პრემიერს და მის ამალას?.. ? ერთი- ორი ნაბიჯი უნდა გადაედგათ დამატებით, რომ ერთი ყვავილი მაინც გამსახურდიას საფლავზეც დაედოთ ამ ქვეყნის დამოუკიდებლობის დღის ზეიმობისას...

მერაბ კოსტავა ხომ ზვიად გამაახურდიას აღიარებდა წინამძღოლადაც და მოვლენების წამმართველადაც.

აღიარებდა თავის ნაწერებშიც, ლექსებშიც, ზეპირსიტყვიერადაც.

ეს პრემიერი პრემიერრი რომ არის, და ეს პრეზიდენტი პრეზიდენტი რომ არის და ეს პარლამენტის თავმჯდომარე თავმჯდომარე რომ არის და ეს მინისტრები მინისტრები რომ არიან, ვინ მოუტანა მათ ეს ქვეყანა?.. ვინ გამოაცხადა ეს ქვეყანა ედ დამოუკიდებლად?.. ვისი სისხლით დაკირულ ქვეყანას მართავენ ეს და სხვა მაღალი ჩინოვნიკები?

ერთი ყვავილი ვერ გაიმეტეს მთაწმინდაზე ასულებმა, ერთი ყვავილი.

ჰმ, ქედს ვიხრიო, გაზეპირებულ ტექსტს რომ აბულბულებს ჩვენი პრემიერი ტრიბუნიდან, მთაწმინდაზე, გამსახურდიას საფლავთან დაეხარა ოდნავ მაინც ამაყად შემართული კისერი...

ახლაც იგივე ხდება, ზუსტად იგივე , შევარდნაძემ რომ კოსტავას სურათი ჩამოიკიდა კაბინეტში, აი, როგორ პატივს ვცემ ეროვნულ მოღვაწეებსო და გამსახურდიას სახელის წანაცრებისა და სულაც გაქრობისთვის კი დაუღალავად შრომობდა.

მისმა მეცადინეობამ აი, აქნობამდე მოაღწია.

ფრანგები ამბობენ, ღირსეული ადამიანები 30 წლის მერე აუცილებლად ფასდებიანო.

რაღა დარჩა, ორად ორი წელი.

რაღა დარჩა...“ - დაწერა ნატო ჩხეიძემ.

შეგახსენებთ - 1991 წლის 26 მაისს საყოველთაო-სახალხო საპრეზიდენტო არჩევნებზე საქართველოს პირველ პრეზიდენტად ზვიად გამსახურდია აირჩიეს.