კომენტარი

ნატო ჩხეიძე: გონების უმწიფრობა თუ გამიზნული შარი?

პარლამენტის დეპუტატი ნატო ჩხეიძე სოციალურ ქსელში წერს, რომ მის მიმართ დისკრიმინაციის და შესაბამისად სექსიზმის ბრალდება ყოვლად უადგილოა.

„ლიბერალმა საკბილო გამოჩხრიკა და სათაურიც გამოაცხო : ნატო ჩხეიძემ სექსისტური განცხადება გააკეთაო და იქვე განმარტა, სექსის ან გენდერის მიხედვით დისკრიმინაცია არის სექსიზმიო.

მერედა, სად ნახა მოისმინა დისკრიმინაცია?

მე ვთქვი, რომ ამხელა მთავრობაში ისეთი რთული სამინისტროს განპირობება ქალისათვის მეტისმეტად მძიმე ტვირთია და გგულშემაგტკივრობთ ამ ტვირთის ზიდვაში - მეთქი.

აბა, ლიბერალებო, ამიხსენით რომელი სიტყვაა ამ ფრაზაში დისკრიმინაციული?

მძიმე ტვირთი რომ არის ინფრასტრუქტყრის სამინისტრო, ის, თუ მძიმე ტვირთს რომ ზიდავს ქალი და რომ ვგულშემატკივრობ?
ამხანაგო ლიბერალებო, დისკრიმინაცია არის დამცირება და უპატივცემლობა, ხოლო გულშემატკივრობა არის თანადგომა და პატივისცემა.

როგორც რუსთველი იტყოდა, შუა უდევს დიდი მზღვარი!..

ამიტომაც დისკრიმინაციის და შესაბამისად სექსიზმის ბრალდება ყოვლად უადგილოა.

და შესაბამისად, საფიქრებელია, რომ ლიბერალის ის სათაური და ის ბრალდება ან უმწიფარი გონების ნაყოფია და ან გამიზნული შარისა.“ - დაწერა ნატო ჩხეიძემ.