პოლიტიკა

ნატო ჩხეიძე: პროფესიონალიზმის მისხალიც აღარ შერჩათ ამდენ ცამპა-ცუმპაში

„ახლა რაღას ითხოვენ?.. მესამე გირაოა?..ძალიან აჭრილები არიან,“ -ასე ეხმაურება მოძრაობა "სახელმწიფო ხალხისთვის" პოლიტიკური საბჭოს თავმჯდომარე, გაერთიანება „ძალა ერთობაშია“ წევრი ნატო ჩხეიძე, გენერალური პოკურატურის განცხადებას, ნიკა მელიას მიერ გირაოს გადახდის შემთხვევაში, სასამართლოს პატიმრობის გირაოთი შეცვლის შუამდგომლობის შესახებ.

„გადაიხადოს მელიამ და გამოვუშვებთო, - თავიან- ფეხიანად პოლიტიკაში ჩაფლული პროკურატურა ამბობს.

და რაღა გადაიხადოს?..

ხომ დააპატიმრეს, რომ არ გადაიხადა...

არ იხდი და დაგაპატიმრებთო.

არ გადაიხადა.

დააპატიმრეს.

ახლა რაღას ითხოვენ?..

მესამე გირაოა?..

ძალიან აჭრილები არიან.

პროფესიონალიზმის მისხალიც აღარ შერჩათ ამდენ ცამპა-ცუმპაში...“ - წერს ნატო ჩხეიძე.

ცნობისთვის, პროკურატურა მზადყოფნას გამოთქვამს, ნიკა მელიას მიერ გირაოს გადახდის შემთხვევაში, სასამართლოს პატიმრობის გირაოთი შეცვლის შუამდგომლობით მიმართოს.