საზოგადოება

ნატო ჩხეიძე: საბჭოთა ურჩხული დაგვიმარცხებია და მის კარიკატურულ ფილიალს, დღევანდელ ხელისუფლებას ცხადია, მოვერევით

მოძრაობა „სახელმწიფო ხალხისთვის“ პოლიტიკური ლიდერი, გაერთიანებული ოპოზიციის წევრი ნატო ჩხეიძე მოსახლეობას დამდეგ 2021 წელს ულოცავს.

“რთული წელი იყო მსოფლიოსთვის ეს წელი და მძიმე წელი იყო საქართველოსთვის თავის პოლიტიკური, ეკონომიკური თუ კოვიდ კრიზისებით.

კარგი იყო მარტის შეთანხმება ხელისუფლებასა და ოპოზიცია - საზოგადოებას შორის,
ცუდი იყო, რომ შეთანხმება ვერ მოხდა ნოემბრის თუ დეკემბრის სახელწოდებით, მაგრამ საზოგადოების სიმტკიცით და ერთიანობით ჩვენ მოვიპოვებთ ჩვენი ქვეყნის ბუნებრივი განვითარების გზას - კოალიციურ ხელისუფლებას.

ჩვენ საბჭოთა ურჩხული დაგვიმარცხებია და მის კარიკატურულ ფილიალს, დღევანდელ ხელისუფლებას ცხადია, მოვერევით.

ამიტომაც, ჩემო თანამემამულენო, უკეთესი საქართველოსთვის და თქვენი ოჯახური სიმშვიდისთვის, გისურვებთ ჯანმრთელობას, სიყვარულს, შრომის უნარს, სულის სიმტკიცეს და მიზნის მიღწევას!..

მრავალჟამიერ!..” - წერს ნატო ჩხეიძე.