პოლიტიკა

ნატო ჩხეიძე: სხვების აზრი არ აინტერესებთ და რაც აინტერესებთ, კი იმუშავებენ იმ განხრით

თუ პოლიტპატიმრების გამოშვებაზე დათანხმდებიან და ვადამდელ არჩევნებსაც დანიშნავენ, რომელიმე ცალკე აღებული პოლიტიკური გუნდი კი არა, მთელი ოპოზიცია შევა პარლამენტში, - ამის შესახებ მოძრაობა „სახელმწიფო ხალხისთვის“ ლიდერი, გაერთიანებული ოპოზიციის „ძალა ერთობაშია“ წევრი ნატო ჩხეიძე სოციალურ ქსელში წერს.

„სერიიდან: არ აინტერესებს...

“ მე არ მაინტეტესებს რას ფიქრობს სხვა...”- პასუხობს გუშინ ოპოზიციონერი ბ- ნი ხაზარაძე ინგა გრიგოლიას.

“ მე სხვა რას ამბობს, არ მაინტერესებს”- პასუხობს გუშინ ოპოზიციონერი ბ- ნი ვაშაძე ემა ტუხიაშვილს.

და იქვე ამ ორმა ოპოზიციონერმა საერთო ღირებულებები და ერთიანი მოქმედებები დააანონსა, ქ- ნ ხოშტარიასთან ერთად.

უნდა ვივარაუდოთ, რომ ეს ღირებულებები და ქმედებები კი იწვევს მათ საერთო ინტერესს ამ ეტაპზე მაინც:)

“თუ ჩვენი მოთხოვნები აისახება, ჩვენი პოლიტიკური გუნდი ხელს მოაწერს ხელშრეკრულებას და დავიწყებთ მუშაობას პარლამენტში ამ ცვლილებებისათვის”... - ამბობს ბ- ნი ხაზარაძის თანაგუნდელი ბ- ნი ჯაფარიძე.

“ ჩვეს მოთხოვნებს როგორც კი დათანხმდებიან ოღონდ შესაბამისი გარანტიებით, ჩვენ, ჩვენი პოლიტიკური გუნდი რათქმა უნდა შევა პარლამენტში და მიიყვანს ამ ცვლილებებს ბოლომდე”- ამბობს ბ- ნი ვაშაძე.

ამ სულ ცოტა ხნის წინათ არ იყო, ამის მსგავსად რომ საუბრობდა ბ- ნი ელისაშვილი და ძმა მისი?

კი, ამ ცოტა ხნის წინ საუბრობდა.

მერე შევიდა პარლამენტში.

შევიდა და

მუშაობს ცვლილებებზე.

მუშაობს და მუშაობს და იმუშავებს...

მათი ფრაზებიდან ასე ჩანს, რომ ლელო-სტრატეგიაც შევა და იმუშავებს?..

მით უფრო, რომ სხვების აზრი არ აინტერესებთ და რაც აინტერესებთ, კი იმუშავებენ იმ განხრით.

პ.ს. ჩვენ, დანარჩენ ოპოზიციას, ვისაც ერთმანეთის აზრი გვაინტერესებს, ყველაზე მეტად ისიც გვაინტერესებს, რომ არ იყოს ხელისუფლებაში ძალა, ვისაც სხვისი აზრი არ აინტერესებს...

ქართულ ოცნებას ეგ წუნიც აქვს, სხვისი აზრი რომ არ აინტერესებს, აინუშშიც რომ არ აგდებს, თორემ შესახედავად არაფერს ვერჩით, მშვენიერი გოგო-ბიჭები არიან...

პ.პ.ს. თუ პოლიტპატიმრების გამოშვებაზე დათანხმდებიან და ვადამდელ არჩევნებსაც დანიშნავენ, რომელიმე ცალკე აღებული პოლიტიკური გუნდი კი არა, მთელი ოპოზიცია შევა პარლამენტში, - არახალია ეს ამბავი,“ - დაწერა ნატო ჩხეიძემ