პოლიტიკა

ნატო ჩხეიძე: ვთქვი, გაქრა, წავიდა, დალია ჩაილურის წყალი...

პარლამენტის დამოუკიდებელი დეპუტატი ნატო ჩხეიძე იურიდიულ საკითხთა კომიტეტის დღევანდელ სხდომას სოციალურ ქსელში ეხმაურება.

„სერიიდან: პარლამენტი და ჩაილურის წყალი

დღეს ბოიკოტი შევწყვიტე ერთი დღით და იურიდიული კომიტეტის სხდომას დავესწარი, უზენაესი სასამართლოს უვადო მოსამართლეობის კანდიდატებს რომ უყრიდა კენჭს.

დიდი აურზაური ატყდა სხდომაზე.

კომიტეტის თავ- რემ ჩვეული სიხისტე გამოიჩინა და არა და არ აძლევდა ყოფილ თავმჯდომარეს დასკვნით სიტყვას.

ყოფილი თავ- რე ახალ თავ- რეს ამაღლებულ კათედრაზე გვერდით მიუჯდა და აუ, მაშინ დაიწყო, რაც დაიწყო.

შესვენება გამოცხადდა, მაგრამ მოვლენებს რაღა დააცხრობდა. და ახალმაც ინება და მისცა სიტყვა ძველს, გამოცდილს, გამობრძმედილს, სიტყვიერ თუ ქმედით ბრძოლებში გამოწრთობილს.

მერე კენჭი უყარეს.

მშვენიერი ფარსიც გათამაშდა.

5 კანდიდატი ჩააგდეს, ოღონდ ჩაგდებული რატომ იყო გასულზე უარესი, არ აუხსნიათ და არც არავინ დაინტერესებულა.

წინასწარ მომზადებულ დასკვნას ხელი მოაწერეს და ბიუროს წარუდგინეს.

ახლა სესია დაამტკიცებს.

ჰო, არ დამავიწყდეს, - თადუმაძეს და მიქაუტაძეს ყველაზე მეტი მომხრე ჰყავდათ., არ ვიცი იმიტომ, რომ ყველაზე მოსარიდებელი ხალხია, არ ვიცი იმიტომ, რომ ყველაზე გავლენიანი, თუმც, ეს ხომ ერთი და იგივეა:)

ეს ჩემი გამოსვლაა.

არც არავინ შემაწყვეტინა და არც არაფერი.

ვთქვი, გაქრა, წავიდა, დალია ჩაილურის წყალი...“ - დაწერა ნატო ჩხეიძემ.