უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
- 26.04.2024 12:59საქართველოს მოსახლეობის რაოდენობა შემცირდა - საქსტატი
- 26.04.2024 12:54The Digital Banker-მა საქართველოს ბანკი საუკეთესო ციფრული სამომხმარებლო გამოცდილების მქონე ბანკად დაასახელა საქართველოში
- 26.04.2024 12:40სპეციალურმა საგამოძიებო სამსახურმა იძულების ფაქტზე შინაგან საქმეთა სამინისტროს თანამშრომელი ამხილა
არქივი
პოლიტიკა
ნატო-ს პოზიცია მყარი და ნათელია, რომ საქართველო გახდება ალიანსის წევრი - როუზ გოტემოლერი
ნატო-ს ძალიან მჭიდრო თანამშრომლობა აკავშირებს საქართველოსთან, საქართველო ჩვენი ერთ-ერთი მთავარი პარტნიორია, – ამის შესახებ ნატო-ს გენერალური მდივნის მოადგილე როუზ გოტემოლერმა თბილისის სახელმწიფო უნივერსიტეტში საჯარო ლექციაზე განაცხადა.
მისივე თქმით, ალიანსი მადლიერია კონტრიბუციისთვის, რომელიც საქართველოს ნატო-ს მიერ წარმოებულ ოპერაციებში შეაქვს.
„პარტნიორებიდან თქვენ ყველაზე დიდი კონტრიბუტორი ხართ. ჩვენ ერთგული ვრჩებით ბუქარესტის სამიტზე მიღებული დეკლარაციის. ყოველთვის ვამბობთ, რომ საქართველო იქნება ნატო-ს წევრი და მინდა, ახლა ეს სიტყვები თქვენც გითხრათ. რა თქმა უნდა, კიდევ ბევრია გასაკეთებელი, გაწევრიანების გზაზე ნაბიჯები კიდევ არის გადასადგმელი, მაგრამ ნატო-ს პოზიცია ძალიან მყარია და ნათელი, რომ საქართველო გახდება ალიანსის წევრი“, – განაცხადა ჩრდილოატლანტიკური ალიანსის გენერალური მდივნის მოადგილემ.
ამასთან, მისი თქმით, ნატო-ს წინაშე გამოწვევებია, მაგალითად ის, რაც 2014 წელს უკრაინაში მოხდა.
„ასევე, ჩვენ ვამბობთ, რომ ნატო-ს წინაშე გამოწვევები დგას. თქვენ კარგად იცით ამის შესახებ. პირველ რიგში, რაც 2014 წელს მოხდა უკრაინაში, რუსეთმა მოახდინა ყირიმის ანექსია და დონბასში სიტუაციის დესტაბილიზაცია. დღემდე გვიწევს შედეგებთან და კრიზისთან გამკლავება“, – განაცხადა როუზ გოტემოლერმა.
მისივე განმარტებით, კრიზისი გაცილებით ადრე დაიწყო და საქართველოზე უკეთ ეს არავინ იცის.
„ეს იყო 2008 წლის აგვისტო, რასაც მოჰყვა რუსეთის მიერ სამხრეთ ოსეთისა და აფხაზეთის უკანონოდ აღიარება ე.წ. დამოუკიდებელ სახელმწიფოებად. ჩვენ მტკიცედ გიჭერთ მხარს და ვამბობთ, რომ რუსეთმა უნდა უნდა გაიწვიოს ეს გადაწვეტილება, შეასრულოს ევროკავშირის შუამავლობით გაფორმებული ცეცხლის შეწყვეტის შეთანხმებით ნაკისრი ვალდებულებები“, – განაცხადა სტუდენტებთან შეხვედრაზე ნატო-ს გენერალური მდივნის მოადგილემ.
საქართველოშ ვიზიტის ფარგლებში როუზ გოტემოლერი თავდაცვის მინისტრის მოადგილე ლელა ჩიქოვანს შეხვდა. ასევე, გაიმართა შეხვედრა საგარეო საქმეთა მინისტრის მოადგილე დავით დონდუასთან, რის შემდეგაც ერთობლივი განცხადებები გაკეთდა.