უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
არქივი
პოლიტიკა
„ნაციონალური მოძრაობა“ ამ ათი დღის განმავლობაში გავა ყველა ადამიანური და მორალური საზღვრების მიღმა - შალვა პაპუაშვილი
საპარლამენტო უმრავლესობის წევრის შალვა პაპუაშვილის განცხადებით, ძალადობას არანაირი გამართლება არ აქვს და დმანისის რაიონის სოფელ განთიანდში მომხდარ ინციდენტთან დაკავშირებით ყველა დამნაშავე კანონის შესაბამისად დაისჯება.
„პირველ რიგში მინდა, გამოვეხმაურო გუშინ დმანისის რაიონის სოფელ განთიანდში მომხდარ ინციდენტს. ძალადობას არანაირი გამართლება არ აქვს. ყველა დამნაშავე კანონის შესაბამისად დაისჯება“, – აღნიშნა შალვა პაპუაშვილმა.
ამასთან, პაპუაშვილის თქმით, საზოგადოებას აფრთხილებდნენ, რომ „ნაციონალური მოძრაობა“ სააარჩევნო კამპანიის წარმოების ნაცვლად, ისევე როგორც 2020 წლის საპარლამენტო არჩევნების წინ, არეულობის გამოწვევას ცდილობს.
„ამ მიზნით, ბოლო დღეებია, მიზანმიმართულად მიმდინარეობს ჩვენი მხაარდამჭერების პროვოცირება. ჩვენ შევძელით ხელვაჩაურში ორი ასეთი პროვოკაციის თავიდან აცილება, სადაც „ნაციონალური მოძრაობის“ მერობის კანდიდატი მცირეწლოვან ბავშვთან ერთად მიიჭრა ჩვენი კანდიდატის წინასაარჩევნო შეხვედრაზე და ცდილობდა ამ შეხვედრის ჩაშლას. სამწუხაროდ, გუშინ დმანისში მომხდარი პროვოკაცია თავიდან ვერ ავიცილეთ.
ჩვენ კიდევ ერთხელ მოვუწოდებთ ჩვენს მხარდამჭერებს. არჩევნებამდე დარჩა ათი დღე. „ნაციონალური მოძრაობა“ ამ ათი დღის განმავლობაში გავა ყველა ადამიანური და მორალური საზღვრების მიღმა. მოთმენა არის რთული, მაგრამ ეს არის ჩვენი ვალდებულება ჩვენი ხალხის და ქვეყნის წინაშე. 2 ოქტომბერს ეს ყველაფერი ჩვენი და ჩვენი ქვეყნის გამარჯვებით დასრულდება“, – განაცხადა შალვა პაპუაშვილმა.
შეგახსენებთ, დმანისში დაპირისპირებისას გუშინ ორი პირი ცივი იარაღით დაჭრეს.