უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
არქივი
პოლიტიკა
NDI-ის კვლევები არის პოლიტიკური ინსტრუმენტი, რომ მოსახლეობაზე ფსიქოლოგიური ზემოქმედება მოახდინო - ირაკლი სესიაშვილი
ეროვნულ-დემოკრატიულ ინსტიტუტს პატივს ვცემ, თუმცა აღნიშნული კვლევები არის პოლიტიკური ინსტრუმენტი, რომ მოსახლეობაზე ფსიქოლოგიური ზემოქმედება მოახდინო, – განუცხადა ჟურნალისტებს NDI-ის კვლევების შეფასებისას, უმრავლესობის დეპუტატმა, ირაკლი სესიაშვილმა.
დეპუტატის თქმით, ის კვლევას არ ენდობა.
„ჩემი დამოკიდებულება კარგად იცით წლების მანძილზე. ზოგადად, NDI-ის, როგორც ორგანიზაციას პატივს ვცემ, თუმცა ეს კვლევები არის, მე ვიტყოდი, პოლიტიკური ინსტრუმენტი, რომ მოსახლეობაზე ფსიქოლოგიური ზემოქმედება მოახდინო. იმდენად, რამდენადაც ამ კვლევების განმახორციელებელი ორგანიზაციები ძალიან ახლოს არიან რიგ პოლიტიკურ ინტერესებთან, თავისთავად ცხადია, აქ ნათლად ჩანს ფსიქოლოგიური ზემოქმედების გარკვეული ნიშნები, ამიტომ, ამ კვლევის მიმართ ჩემი მხრიდან არანაირი ნდობა არ არის“, – განაცხადა სესიაშვილმა.
დეპუტატმა ჟურნალისტებს მოუწოდა, შეადარონ აღნიშნული ორგანიზაციის მიერ გამოქვეყნებული კვლევის შედეგები, როგორ აისახა არჩევნების შედეგად დამდგარ რეალობასთან მიმართებაში.
ეროვნულ-დემოკრატიულმა ინსტიტუტმა (NDI) და CRRC საქართველომ კვლევა დღეს გამოაქვეყნეს. კვლევა, 2018 წლის 23 ივნისი - 8 ივლისის პერიოდში, საქართველოს მასშტაბით 2,409 პირისპირი ინტერვიუს წარმომადგენლობითი შერჩევის საფუძველზე, ქვეყნის ქართულ, სომხურ და აზერბაიჯანულენოვან მოსახლეობას შორის ჩატარდა.
ნინო ექვთიმიშვილი