სამართალი

ნინო ლომჯარია შსს-ში გამოკითხვაზე დაიბარეს

სახალხო დამცველი ნინო ლომჯარია ფეისბუქის პირად გვერდზე გავრცელებულ განცხადებასთან დაკავშირებით შინაგან საქმეთა სამინისტროში დაიბარეს.

ამ დროისთვის კონკრეტულად უცნობია, თუ რა დროს მივა სახალხო დამცველი შსს-ში.

ამასთან, როგორც სამინისტროში აცხადებენ, ლომჯარიასთან გასაუბრების შემდეგ მიღებული იქნება გადაწყვეტილება გამოძიების დაწყებასთან დაკავშირებით.

„რამდენიმე თვის წინ პირადად გავხდი სწორედ ასეთი შეტევის ობიექტი, მემუქრებოდნენ შუბლის გახვრეტით, სნაიპერის ტყვიით, მიხსენიებდნენ უცენზურო სიტყვებით“, - განცხადებას ამის შესახებ სოციალურ ქსელ „ფეისბუქში“ სახალხო დამცველი ნინო ლომჯარია ავრცელებს.