უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
არქივი
საზოგადოება
ოჯახის ღირებულებებთან ბრძოლა ეს არის ღმერთთან ბრძოლა - მეუფე შიო
ოჯახის დანგრევის სტატისტიკა არის საგანგაშო და სულ უფრო მეტად გაისმის მოწოდებები ანტიოჯახური ღირებულებების დაკანონებისა, – განაცხადა ქაშუეთის ტაძარში ქადაგებისას სრულიად საქართველოს კათოლიკოს-პატრიარქის მოსაყდრემ, მეუფე შიომ.
მისი თქმით, ამაღლების დღესასწაული ოჯახის სიწმინდის დღეს დაემთხვა. მეუფემ აღნიშნული დღის დადგენისთვის პატრიარქს მადლობა გადაუხადა და ოჯახის მნიშვნელობაზე გაამახვილა ყურადღება.
„ამაღლების დღესასწაული დაემთხვა ოჯახის სიწმინდის დღეს, რომელიც მისმა უწმინდესობამ დაგვიდგინა, როგორც ეროვნული ზეიმი და ჩვენ ყველანი მას მადლობას ვუხდით ამისთვის. როგორც არასდროს, ისე იყო საჭირო ოჯახის სიწმინდის დაცვის დღე. ვინაიდან ოჯახის დანგრევის სტატისტიკა არის საგანგაშო, სულ უფრო მეტად გაისმის მოწოდებები ანტიოჯახური ღირებულებების დაკანონებისა და, რა თქმა უნდა, ეს ყველაფერი შემაშფოთებელია, ამიტომაც დღეს ჩვენ ვიკრიბებით, რომ დავიცვათ ოჯახის სიწმინდე, ოჯახური ღირებულებები და რატომ? იმიტომ რომ, რასაც უკავშირდება ამაღლება“, – განაცხადა პატრიარქის მოსაყდრემ.
მისი თქმით, ოჯახი უბრალო ინსტიტუტი არ არის, არამედ ყოფიერების ფორმაა, რომელიც ღმერთმა შექმნა.
„ეს არის გზა, უმთავრესი გზა საერო პირისთვის, ეს არის ოჯახური ცხოვრება. ღმერთმა როდესაც შექმნა ადამიანი, ადამიც და ევაც ოჯახად შექმნა. ოჯახი ეს არ არის უბრალო ინსტიტუტი, როგორც ამბობენ, ეს არის ის ფორმა ყოფიერების, რომელიც ღმერთმა შექმნა. ამიტომ ჩვენ ვიცავთ ყველაზე ძირეულს. ოჯახის ღირებულებებთან ბრძოლა ეს არის ღმერთთან ბრძოლა, ეს არის ადამიანის ამაღლებასთან ბრძოლა, ეს არის განწმენდასთან და ცხონებასთან ბრძოლა. უფალმა ინებოს, რომ არასდროს დავთმოთ ეს სიწმინდე და შევინარჩუნოთ. ეს არის საწინდარი ჩვენი ამაღლებისა“, – აღნიშნა მეუფე შიომ.