უკან

ეკონომიკა

7 დეკემბერი, 2018 14:10
font-size

,,ომეგა ჯგუფს“ შემოსავლების სამსახურისა და მისი კონტრაქტორი კომპანიის წინააღმდეგ სასამართლოში სარჩელი შეაქვს

,,ომეგა ჯგუფს“ საქართველოს ფინანსთა სამინისტროს შემოსავლების სამსახურისა და მისი კონტრაქტორი კომპანია „სიქფა სიქურითი სოლუშენს ჯორჯია“-ს წინააღმდეგ სასამართლოში სარჩელი შეაქვს.

აღნიშნულთან დაკავშირებით დღეს ოჯთ-ს გაჩერებულ საწარმოში განცხადება ,,ომეგა ჯგუფის“ გენერალურმა მენეჯერმა ლევან აღდგომელაშვილმა გააკეთა.

,,როგორც ამ სამი დღის წინ გამართულ ბრიფინგზე მოგახსენეთ, სამკვირიანი მუშაობის შემდეგ ომეგა ჯგუფის საწარმო კიდევ ერთხელ გააჩერეს და ისევე როგორც წინა შემთხვევებშიც, საწარმოს ხელოვნურად გაჩერება კვლავაც აქციზური მარკების უკანონოდ არმიცემით განხორციელდა.

შემოსავლების სამსახურსა და მის კონტრაქტორ კომპანია „სიქფა სექიურითი სოლუშენ ჯორჯია“-ს დღემდე ჩვენს არცერთ წერილზე არ გაუციათ პასუხი და არ განუმარტავთ, თუ რატომ გააუქმეს ა.წ. 12 ნოემბერს ჩვენს მიერ განთავსებული და იმავე დღეს შემოსავლების სამსახურის მიერ დადასტურებული შეკვეთა აქციზურ მარკებზე და რატომ არ მოგვაწოდეს დადასტურებული შეკვეთით გათვალისწინებული აქციზური მარკების ნომინალის გადასახდელად საჭირო ინვოისი.

არც შემოსავლების სამსახური და არც მისი კონტრაქტორი არ გვცემენ პასუხს და არ გვეუბნებიან, რას ელოდებოდნენ 12 ნოემბრიდან 18 დღე, როდესაც დადასტურებული შეკვეთის შესაბამის ინვოისს არ გვაწვდიდნენ, რომ კანონით დადგენილი წესით მიგვეღო აქციზური მარკები და კიდევ ერთხელ არ მომხდარიყო წარმოების პარალიზება. აღნიშნულ საკითხთან დაკავშირებით ჯერჯრობით არც ფინანსთა სამინისტროს უპასუხია.

ომეგა ჯგუფის მიერ 3, 5 და 6 დეკემბერს განთავსებული 4 შეკვეთიდან დღემდე არცერთი შეკვეთის დადასტურება არ მომხდარა შემოსავლების სამსახურის მიერ.

საქართველოს ფინანსთა სამინისტროს შემოსავლების სამსახურისა და შპს „სიქფა სიქურითი სოლუშენს ჯორჯია“-ს უკანონო ქმედებებით, კიდევ უფრო მყარდება ჩვენი ვარაუდი: ომეგა ჯგუფის საწარმოს მუშაობის პარალიზება არის ერთგვარი სადამსჯელო ღონისძიება იმიტომ, რომ ომეგა ჯგუფის დამფუძნებელმა ზაზა ოქუაშვილმა უარი თქვა შეესრულებინა მისთვის წაყენებული მოთხოვნა, რაც გულისხმობდა უდანაშაულო ადამიანებისათვის ცილისწამებას არარსებული დანაშაულის ჩადენაში და საკუთარი ღირსების შემლახველი განცხადების გაკეთებას. აღნიშნული ვარაუდის მყარ საფუძველს წარმოადგენს ისიც, რომ მიმდინარე წლის 26 ოქტომბერს შემოსავლების სამსახურმა აღადგინა ომეგა ჯგუფისათვის აქციზური მარკების მიწოდება და იმავე დღეს ფინანსთა სამინისტრომ ომეგა ჯგუფის კომპანიების დირექტორებთან შეხვედრისას მოულოდნელად შემოგვთავაზა საგადასახადო შეთანხმების თავისი პირობები, რომლებიც გაცილებით ხელსაყრელი იყო, ვიდრე ის რასაც ომეგა ჯგუფი მანამდე წელიწადნახევრის განავლობაში ითხოვდა. მიუხედავად იმისა, რომ ომეგა ჯგუფის თამბაქოს წარმოებამ დროულად და სრულად დაფარა მიმდინარე გადასახადები და ამ დროისათვის არ ერიცხება დავალიანება მიმდინარე გადასახადებში, მაგრამ ომეგა ჯგუფის დამფუძნებელმა არ გაკეთა ზემოხსენებული განცხადება, შემოსავლების სამსახურმა ყოვლად უსამართლოდ შეწყვიტა კომპანიისათვის აქციზური მარკების მიწოდება, ხოლო ფინანსთა სამინისტრო კი დადუმდა მათ მიერ შემოთავაზებული საგადასახადო შეთანხმების შესახებ.

2017 წლის მაისიდან მოყოლებული ომეგა ჯგუფის საწარმო უკვე მეოთხედ გააჩერეს. ხელისუფლების მხრიდან ამგვარი უპასუხისმგებლო ქმედებებით კომპანიას გამიზნულად ადგება დიდი ოდენობით ზიანი. ასევე უსამრთლოდ ისჯება ომეგა ჯგუფში მომუშავე 1500-მდე ადამიანი, რომლებსაც არ ეძლევათ მუშაობის საშუალება და ასობით ოჯახი ისევ რჩება შემოსავლის გარეშე.

ამგვარად, დღეს, 2018 წლის 7 დეკემბერს, ომეგა ჯგუფს შეაქვს სარჩელი საქართველოს ფინანსთა სამინისტროს შემოსავლების სამსახურისა და მისი კონტრაქტორი კომპანია „სიქფა სიქურითი სოლუშენს ჯორჯია“-ს წინააღმდეგ. სასამართლოსგან მოვითხოვთ, რომ შეწყდეს ომეგა ჯგუფის წინააღმდეგ განხორციელებული უკანონო ქმედებები და დაუყონებლივ გაიცეს აქციზური მარკები, რათა კომპანიამ აღადგინოს და შეუფერხებლად გააგრძელოს საწარმოო პროცესი“, - განაცხადა აღდგომელაშვილმა.

1 აშშ დოლარის ოფიციალური ღირებულება 2.9682 ლარი გახდა

17 ოქტომბერი, 2019 , 17:15

ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად აშშ დოლარის ღირებულებამ 2.9682 ლარი შეადგინა. კურსი, რომელიც დღეს მოქმედებდა, 2.9663 ლარი იყო. შესაბამისად, დოლარის ცვლილებამ ეროვნულ

მსოფლიო ბანკი გააგრძელებს საქართველოსთან თანამშრომლობას რეფორმების განხორციელების პროცესში

17 ოქტომბერი, 2019 , 13:05

მსოფლიო ბანკი დადებითად აფასებს საქართველოს ეკონომიკურ მდგომარეობას და აღნიშნავს, რომ მიუხედავად რეგიონში არსებული რთული ვითარებისა, ქვეყანა განაგრძობს ეკონომიკურ ზრდას, - ამის შესახებ ბანკის ვიცე-პრეზიდეტმა სირილ მიულერ

კომერციული ბანკებისთვის უცხოური ვალუტით მოზიდულ სახსრებზე მინიმალური სარეზერვო მოთხოვნა 5%-ით, 25%-მდე მცირდება

17 ოქტომბერი, 2019 , 10:44

დღეიდან კომერციული ბანკებისთვის უცხოური ვალუტით მოზიდულ სახსრებზე მინიმალური სარეზერვო მოთხოვნა 5%-ით, 25%-მდე შემცირდება, - ამის შესახებ საქართველოს ეროვნული ბანკის პრეზიდენტის, კობა გვენეტაძის ბრძანებაშია აღნიშნული. აღ

1 აშშ დოლარის ოფიციალური ღირებულება 2.9663 ლარი გახდა

16 ოქტომბერი, 2019 , 17:30

ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად აშშ დოლარის ღირებულებამ 2.9663 ლარი შეადგინა. კურსი, რომელიც დღეს მოქმედებდა, 2.9701 ლარი იყო. შესაბამისად, დოლარის ცვლილებამ ეროვნულ

ივანე მაჭავარიანი საერთაშორისო სავალუტო ფონდისა და მსოფლიო ბანკის წლიურ შეხვედრებში მონაწილეობს

16 ოქტომბერი, 2019 , 17:00

საქართველოს ფინანსთა მინისტრი ივანე მაჭავარიანი ამერიკის შეერთებულ შტატებში იმყოფება, სადაც საერთაშორისო სავალუტო ფონდისა და მსოფლიო ბანკის ჯგუფის ყოველწლიურ შეხვედრებში მონაწილეობს. როგორც „მედიანიუსს“ ფინან

ანაკლიის კონსორციუმს მთავრობა აძლევს საშუალებას, მის ხელთ არსებული რესურსი წლის ბოლომდე გამოიყენოს

16 ოქტომბერი, 2019 , 12:15

საქართველოს მთავრობა აძლევს კონსორციუმს საშუალებას, ბოლომდე გამოიყენოს მის ხელთ არსებული რესურსი და ფინანსური ვალდებულებების შესრულებისთვის დაწესებულ საბოლოო ვადამდე, ანუ 2019 წლის ბოლომდე, მოიზიდოს როგორც საკუთარი კაპიტ