პოლიტიკა

ოპოზიცია გიორგი გახარიას კლუბებში ჩატარებული სპეცოპერაციის გამო პარლამენტში იბარებს

შაბათს გამთენიისას თბილისის კლუბებში ჩატარებული სპეცოპერაციის გამო ოპოზიცია შინაგან საქმეთა მინისტრ გიორგი გახარიას პარლამენტში იბარებს. ოფიციალურ მოთხოვნას დღევანდელი ბიუროს სხდომაზე „ნაციონალური მოძრაობა“ დააყენებს.

შს მინისტრს საპარლამენტო კომიტეტების გაერთიანებულ სხდომაზე მოუსმენენ.

„გვაქვს სურვილი, რომ მოვისმინოთ შს მინისტრისგან ყველა კითხვაზე დეტალური და ამომწურავი პასუხი. ამის გამო ჩვენ ჩავატარებთ გაერთიანებულ კომიტეტის სხდომას და ყველა დეპუტატს ექმნება საშუალება დასვას კითხვები და მიიღოს პასუხები ჩატარებულ ღონისძიებაზე“, -თქვა ფრაქცია „ქართული ოცნების“ თავმჯდომარემ მამუკა მდინარაძემ.

მდინარაძეს არ დაუკონკრეტებია, როდის მივა მინისტრი პარლამენტში.