უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
- 26.04.2024 12:59საქართველოს მოსახლეობის რაოდენობა შემცირდა - საქსტატი
- 26.04.2024 12:54The Digital Banker-მა საქართველოს ბანკი საუკეთესო ციფრული სამომხმარებლო გამოცდილების მქონე ბანკად დაასახელა საქართველოში
- 26.04.2024 12:40სპეციალურმა საგამოძიებო სამსახურმა იძულების ფაქტზე შინაგან საქმეთა სამინისტროს თანამშრომელი ამხილა
არქივი
პოლიტიკა
ოპოზიცია გიორგი კვირიკაშვილს პარლამენტში იბარებს
საპარლამენტო და არასაპარლამენტო ოპოზიციური პარტიები ხელისუფლებას სპეციალური ფორმატის შექმნის მოთხოვნით მიმართავენ, რომლის ფარგლებშიც ჟენევის საერთაშორისო მოლაპარაკებების ყოველი რაუნდის წინ და შემდეგ შედგება სახელმწიფო წარმომადგენლების მოსმენა გაფართოებულ ან დახურულ ფორმატში.
საპარლამენტო და არასაპარლამენტო პოლიტიკური პარტიების წარმომადგენლები დღეს კიდევ ერთხელ შეიკრიბნენ კონსულტაციებისთვის.
ოპოზიციის შეფასებით, პრემიერ-მინისტრის მიერ რუსეთის უმაღლესი ხელისუფლებისათვის გაგზავნილი წერილი და ბოლო დროს განვითარებული მოვლენები განსაკუთრებულ საფრთხეს უქმნის საქართველოს საგარეო პოლიტიკას.
პარტიების მოთხოვნაა მარტის თვის განმავლობაში პრემიერ–მინისტრის პარლამენტში მისვლა და დეოკუპაციის პოლიტიკისა და რუსეთთან ურთიერთობების საკითხებზე დებატებში მონაწილეობის მიღება.
„პრემიერის განცხადებები საფრთხის ქვეშ აყენებს საქართველოს ეროვნულ ინტერესებს და მნიშვნელოვან ასუსტებს ჩვენს ქვეყანაში რუსეთის ფედერაციასთან მიმართებაში, როგორც ჟენევის მოლაპარაკებების ფარგლებში, ასევე საერთაშორისო ასპარეზზე ქვეყნის ინტერესების დაცვის კუთხით. ეს განცხადება არის „ქართული ოცნების“ და ქვეყნის არაფორმალური მმართველის, ბიძინა ივანიშვილის საზიანო საგარეო პოლიტიკის მორიგი გამოვლინება,“- აღნიშნულია 12 პარტიის მიერ შემუშავებულ განცხადებაში.
ოპოზიციის შეფასებით, პრემიერმა კვირიკაშვილმა პარლამენტში შეკითხვებს უნდა უპასუხოს.
„ჩვენ პრემიერ-მინისტრის პარლამენტში დაუყოვნებლივ მოსვლას ვითხოვთ იმისთვის, რომ მან გაგვცეს პასუხები იმ კითხვებზე, რაც საზოგადოებაში დაგროვდა, იმ უპასუხისმგებლო და მოღალატეობრივ განცხადებას, რაც პრემიერი კვირიკაშვილის მხრიდან გაისმა,“- განაცხადა „ნაციონალური მოძრაობის“ წევრმა, თინათინ ბოკუჩავამ.
ოპოზიციის ასევე ითხოვს, რომ რუსეთის ფედერაციის წინააღმდეგ რეზოლუცია მიიღონ, რომელშიც ე.წ. ოთხოზორია-ტატუნაშვილის სიაც ჩაიწერება.
„ჩვენ ვითხოვთ და დიდი მადლობელი ვარ ოპოზიციური პარტიების, რომ ისინი შეუერთდნენ „ევროპული საქართველოს“ ინიციატივას, რომ ოთხოზორია-ტატუნაშვილის სია მიღებული იყოს პარლამენტის მიერ,“- განაცხადა „ევროპული საქართველოს“ წევრმა, სერგი კაპანაძემ.
„რესპუბლიკურ პარტიაში“ ამბობენ, რომ ეს არის არა მხოლოდ გიორგი კვირიკაშვილის განცხადება, არამედ მთელი ხელისუფლების პოზიცია და მიდგომაა.
„ლეიბორისტულ პარტიაში“ ამბობენ, რომ კვირიკაშვილის განცხადების უკან რუსეთის პოლიტიკა დგას.
ნინო ექვთიმიშვილი