კომენტარი

ოპოზიციის მოთხოვნა ლეგიტიმურია - იტალიის ელჩი

20 ოპოზიციური პარტიის წარმომადგენელი დიპლომატიური კორპუსის წარმომადგენლებს შეხვდა.

შეხვედრაზე ხელისუფლების ოპონენტებისგან მაჟორიტარული სისტემის გაუქმების აუცილებლობის შესახებ ინფორმაცია მოისმინეს. მათ ის 300 ათასზე მეტი ხელმოწერაც ნახეს, რომელიც ადასტურებს, რომ მოქალაქეებს პროპორციულ საარჩევნო სისტემაზე გადასვლა სურთ.

ელჩები ამბობენ, რომ ამ თემაზე ხელისუფლებას და ოპოზიციას შორის პოლიტიკური დისკუსია უნდა გაიმართოს.

„საარჩევნო სისტემა არის ყველაზე მნიშვნელოვანი საკითხი და ყველა ქვეყანას აქვს, სუვერენული უფლება, გადაწყვეტილება მიიღოს, რომელი სისტემა აირჩიოს. რეფორმა ითვალისწინებს მაჟორიტარული სისტემის გაუქმებას. მთავარი კითხვაა, როდის მოხდება ეს. შესაბამისად, ოპოზიციის მოთხოვნა აბსოლუტურად ლეგიტიმურია. მათ პოზიციას მხარს უჭერს 300 ათასზე მეტი ადამიანი და ეს ფაქტორი იმსახურებს ყურადღებას. შესაბამისად, ამ თემაზე ხელისუფლებას და ოპოზიციას შორის უნდა გაიმართოს პოლიტიკური დისკუსია,“ - განაცხადა იტალიის საგანგებო და სრულუფლებიანმა ელჩმა საქართველოში, ანტონიო ენრიკო ბარტოლიმ.