კომენტარი

ოპოზიციის ტაქტიკიდან გამომდინარე კონსენსუსის შესაძლებლობას ვერ ვხედავ - კობა ნარჩემაშვილი

ოპოზიციის ტაქტიკიდან გამომდინარე, კონსენსუსის შესაძლებლობას ვერ ვხედავ, - აცხადებს „ქართული ოცნების“ მაჟორიტარი დეპუტატი კობა ნარჩემაშვილი.

უმრავლესობის წარმომადგენლის თქმით, ოპოზიციური პარტიების მხრიდან ადგილი აქვს პოლიტიკურ ინსინუაციებს, რასაც, მისივე თქმით, „ქართულმა ოცნებამ“ საღი აზრი უნდა დაუპირისპიროს.

„პროპორციული საარჩევნო სისტემის 7 წლით დაგვიანებით ამოქმედება, იმ შესაძლებლობების მაქსიმუმი იყო, რომელიც არსებობდა. სხვა რესურსი, უბრალოდ არ იყო და ჩვენ ამ გადაწყვეტილებაზე წავედით. ეს ძალიან გონივრული გადაწყვეტილება იყო, რადგან სხვა შემთხვევაში პროპორციულ საარჩევნო სისტემაზე გადასვლასთან დაკავშირებით გადაწყვეტილება, შეიძლება საერთოდ არ ყოფილიყო მიღებული”, - განაცხადა ნარჩემაშვილმა.

ნინო ექვთიმიშვილი