უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
- 26.04.2024 12:59საქართველოს მოსახლეობის რაოდენობა შემცირდა - საქსტატი
- 26.04.2024 12:54The Digital Banker-მა საქართველოს ბანკი საუკეთესო ციფრული სამომხმარებლო გამოცდილების მქონე ბანკად დაასახელა საქართველოში
- 26.04.2024 12:40სპეციალურმა საგამოძიებო სამსახურმა იძულების ფაქტზე შინაგან საქმეთა სამინისტროს თანამშრომელი ამხილა
არქივი
საზოგადოება
ორშაბათს შპს „რუსთავი 2-ის გუნდი“ დაფუძნდება - ნიკა გვარამია
ტელეკომპანია „რუსთავი 2“-ის გენერალური დირექტორის, ნიკა გვარამიას განცხადებით, ის დადებითად აფასებს ძმები ყარამანიშვილების განცხადებას, გადასცენ „რუსთავი 2“-ის თანამშრომლებს ტელეკომპანიის 51%-იანი წილი.
გვარამიას თქმით, ორშაბათს ტელეკომპანიის გუნდი დააფუძნებს ახალ შპს „რუსთავი 2-ის გუნდს”.
„ორშაბათს ჩვენ უკვე დავაფუძნებთ შპს-ის, რომლის სახელი იქნება „რუსთავი 2-ის გუნდი“. და ეს შპს იქნება 51%-ის წილის მფლობელი“, - განაცხადა გვარამიამ.
გვარამიას განმარტებით, წილის არა ინდივიდუალურად, არამედ ერთ კონკრეტულ ჯგუფზე განაწილება „რუსთავი 2“-ს შესაძლო რისკებისგან ააცილებს. მისი თქმით, ასე გუნდი უფრო ეფექტურად გამოიყენებს 51%-იან წილს.
„ორ ვარიანტს განვიხილავდით, ან მექანიკურად გაიყოს ეს 51%, ან შპს-მ წაიღოს და შპს-ის დამფუძნებლები ვიყოთ. პირველი ვარიანტი წამგებიანია ჩვენი აზრით, იმდენად, რამდენადაც ეს 51%-ი წილის 2%-ის მფლობელი სხვა მხარეს რომ გადავიდეს, ანუ 49%-ს დაუჭიროს მხარე, ეს უკვე 51%-ი გახდებოდა, რაც განხეთქილებას შემოიტანდა გუნდში და გარკვეულ რისკებსაც წარმოშობდა, რომ ჩვენ ეფექტურად ამ 51%-ს დავკარგავდით, ამიტომ მივიღეთ გადაწყვეტილება, რომ ეს 51% იქნება შპს „რუსთავი 2-ის გუნდის“ ხელში“, - განაცხადა გვარამიამ.
კონკრეტული გადაწყვეტილება, რამდენი დამფუძნებელი ეყოლება შპს-ის, დღეს 7 საათზე დაგეგმილ შეკრებაზე უნდა გადაწყდეს.
„ვინ იქნება „რუსთავი 2“-ის გუნდი, რამდენი ადამიანი დააფუძნებს, 20, 30 თუ 50, ეს უნდა გადაწყვიტოს კოლექტივმა. ამას ჩვენ გადავწყვეტთ დღეს, რუსთავი 2-ის გუნდის სრულ შეკრებაზე 7 საათზე“, - თქვა გვარამიამ.
„რუსთავი 2“-ის გენერალური დირექტორის განმარტებით, შპს „რუსთავი 2-ის გუნდი“ ვერ გაყიდის თავის წილებსა და საკუთრებას ძმები ყარამანიშვილების თანხმობის გარეშე.
გვარამია არ გამორიცხავს, რომ შპს-ში გაწევრიანდნენ ის კომპანიები, რომლებიც „რუსთავი 2“-თან თანამშრომლობენ: ფორმულა კრეატივი და ნანუკას შოუ.
შეგახსენებთ, რომ გუშინ ძმებმა ყარამანიშვილებმა განაცხადეს, რომ მზად არიან ტელეკომპანია „საქართველოს“ წილის 51% „რუსთავი 2“-ის კოლექტივს გადასცენ, რაც იმას ნიშნავს, რომ ტელევიზიის მართვა თანამშრომლების ხელში გადავა. ამ წინადადებას „რუსთავი 2“-ის გუნდი დათანახმდა.
ანა მებურიშვილი