რეგიონები

ოზურგეთში 42 წლის მამაკაცი მოკლეს

გურიაში, ოზურგეთის სოფელ მელექედურში 42 წლის მამაკაცი დანით მოკლეს.

არსებული ინფორმაციით, მამაკაცი მეზობელმა მისი სახლიდან რამდენიმე კილომეტრში ცივი იარაღით სასიკვდილოდ დაჭრა და მიიმალა. მკვლელობის სავარაუდო ვერსიად, ძველი დაპირისპირება სახელდება.

მკვლელობის ფაქტი მედიანიუსს შინაგან საქმეთა სამინისტროში დაუდასტურეს.

როგორც უწყებაში აცხადებენ, მომხდართან დაკავშირებით გამოძიება მიმძინარეობს სისხლის სამართლის კოდექსის 108-ე მუხლით, რაც განზრახ მკვლელობას გულისხმობს.

,,დადგენილია სავარაუდო ბრალდებული და მიმდინარეობს შესაბამისი ღონისძიებები’’, - აცხადებენ უწყებაში.

ნინო ექვთიმიშვილი