საზოგადოება

ყველა დამსაქმებელი შეეცადეთ დისტანციურ მუშაობაზე გადახვიდეთ - მაია ცქიტიშვილი

ვიცეპერემიერი მაია ცქიტიშვილი ამბობს, რომ ყველა დამსაქმებელი მაქსიმალურად უნდა ეცადოს, რომ თანამშრომლები დისტანციურ მუშაობაზე გადაიყვანოს.

„ასეთი მითითება არის გაცემული საჯარო სექტორში, რომ მაქსიმალურად გადავიდნენ დისტანციურ რეჟიმში და ჩვენ უკვე მოვუწოდეთ კომერციულ სექტორსაც, ყველა ჩვენს დამსაქმებელსაც და დღესაც მინდა გავიმეორო ეს მოწოდება და გთხოვოთ ყველა დამსაქმებელს, მაქსიმალურად მოვახერხოთ და ჩვენი თანამშრომლები ვამუშაოთ სახლიდან,” - ამბობს მაია ცქიტიშვილი.

შეგახსენებთ, ბოლო 24 საათში საქართველოში კორონავირუსით ინფიცირების 2 401 ახალი შემთხვევა დადასტურდა, 2 289 ადამიანი გამოჯანმრთელდა, 20 პაციენტი გარდაიცვალა.